डलर साटिदिने बहानामा बोलाएर रकम लुट्ने लुटेरा नियन्त्रणमा लिने क्रममा हिजो साँझ प्रहरीले एक व्यक्तिलाई गोली चलाएर पक्राउ गरेको छ । महानगरीय अपराध महाशाखाको टोलीले लुटपाटमा संलग्न खुँडे भनिने सिन्धुपाल्चोकका अमरबहादुर तामाङलाई नियन्त्रणमा लिने क्रममा गोली चलाउनु परेको महाशाखाका एसएसपी धीरजप्रताप सिंहले जानकारी दिएका हुन् ।

डलर साटिदिने वहानामा अभियुक्त खुँडेले ताप्लेजुङका वीरेन तामाङबाट १९ लाख ६० हजार लुटेको प्रहरीले जनाएको छ । लुटेरा समूहमा चार जना रहेको पनि बताइएको छ ।

भक्तपुरमा रकम लुट्ने सो लुटेरालाई खुँडेलाई काठमाडौंको बौद्धमा नियन्त्रणमा लिने क्रममा गोली चलेको हो । सिन्धुपाल्चोक, बाह्रबीसे घर भई राजधानीमा बसेर आतंक मच्चाउँदै आएका अमरबहादुर तामाङ उर्फ खुँडे खुट्टामा गोली लागी घाइते भएका छन् भने घटनास्थलबाट एक कटुवा पेस्तोल र त्यसमा लाग्ने दुई राउण्ड गोली बरामद भएको छ ।