बहुपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) चौथो सम्मेलन सम्पन्न भएको छ । १८ बुँदे काठमाडौं घोषणापत्र जारी गर्दै सम्मेलन सकिएको हो ।

समापन समारोहमा विद्युत लाइन प्रसारणको अन्तरदेशीय मार्ग (बिमस्टेक ग्रीड इन्टरकनेक्सन) सहमति पत्र हस्ताक्षर भएको छ । यसमा बिमस्टेक राष्ट्रका विदेशमन्त्रीहरु हस्ताक्षर गरे । सम्झौताले बिमस्टेकका सदस्य देशहरूबीच उर्जा आदानप्रदानको बाटो खोल्नेछ । यसले सबैभन्दा बढि उर्जा उत्पादन गर्ने राष्ट्रहरुलाई सहयोग मिल्ने भएको छ ।

बंगलादेश, म्यानमार, थाइल्याण्ड र भारतका सरकार तथा राष्ट्रप्रमुख आजै स्वेदश फर्कने कार्यक्रम रहेको छ । सम्मेलन बिहिबारबाट काठमाडौँमा शुरु भएको थियो ।