लायन्स क्लब अफ झापाको एक नम्बर एरिया सम्मेलन भद्रपुरमा सम्पन्न गरिएको छ । लायन्स क्लब अफ भद्रपुरको संयोजनमा माइवारी रहेका लायन्स क्लबहरूको एरिया सम्मेलन सम्पन्न गरिएको हो ।

लायन्स क्लब अफ भद्रपुरकी अध्यक्ष शर्मिला अधिकारीको अध्यक्षता तथा डिष्ट्रिक गभर्नर विकास अधिकारीको प्रमुख आतिथ्यमा सम्पन्न सम्मेलनमा सन् २०२४/०२५ का लागि नयाँ सदस्यता लिएका सदस्य तथा नयाँ समितिका पदाधिकारीबीच परिचय आदानप्रदानसमेत गरिएको थियो भने सन् २०२३/०२४ का पदाधिकारीले आफ्नो कार्यकालमा गरेका कार्य विवरण प्रस्तुत गरेका थिए ।

लायन्स क्लब अफ भद्रपुरका पूर्व अध्यक्ष तथा उद्योग संघ झापाका अध्यक्ष यमबहादुर श्रेष्ठले कृष्णद्वैपायन गुरूकुल भद्रपुरका वटुकहरूलाई आमाको सम्झनामा पोशाक प्रदान गरेका थिए । सम्मेलनमा एक नम्वर एरियामा रहेका ८ वटा लायन्स क्लबमध्ये ७ वटा लायन्स क्लबहरूको सहभागिता रहेको थियो ।