हेटौँडा उपमहानगरपालिका-११ नवलपुर (मकवानपुर)की २२ वर्षीया युवती अलिसा न्यौपानेको हत्या अभियोगमा प्रहरीले एक युवकलाई पक्राउ गरेको छ ।

हेटौँडा-१० बसपार्कस्थित होटलमा यही भदौ १० गते न्यौपाने मृतावस्थामा फेलापरेकी थिइन् । उनको हत्यामा संलग्न रहेको आरोपमा प्रहरीले हेटौँडा-४ का ३२ वर्षीय चाँद खाँलाई पक्राउ गरेको हो ।

मकवानपुर जिल्ला प्रहरी कार्यालयका प्रवक्ता प्रहरी नायब उपरीक्षक लक्ष्मी भण्डारीका अनुसार खाँलाई हेटौँडा–५ लटिनाथ मन्दिर क्षेत्रबाट पक्राउ गरिएको हो ।