आइतबार (३० भदौ) राति धोबिखोलामा खसेको ट्याक्सी सोमबार बिहान ललितपुरको युएन पार्कनजिकै बागमति नदीमा भेटिएपछि सशस्त्र प्रहरीले खोलाबाट बाहिर निकालेको छ । नयाँबानेश्वर मदन भण्डारी कलेजअगाडिबाट राति सवा आठ ट्याक्सी धोबिखोलामा खसेको थियो ।

बा२ज १७९२ नम्बरको ट्याक्सी अनियन्त्रित भएर धोबिखोलामा खसेको थियो । दुई जना गोताखोरसहितको सशस्त्र टिमले नदीबाट ट्याक्सीलाई निकालेको हो ।

ट्याक्सी खसेपछि भाटभटेनी नजिकबाट प्रहरीले ट्याक्सी चालक ३३ वर्षीय उर्गेन लामालाई उद्धार गरेको थियो भने ट्याक्सी खोलामै बगेको थियो ।