• _{^{विकाश रौनियार, धादिङ}}

पृथ्वी राजमार्गअन्तर्गत धादिङको गल्छि गाउँपालिका-६ चिरौदीमा गुडिरहेको कारमाथि पहिरो खस्दा चार जना घाइते भएका छन् । गुडिरहेको कारमा सडक भन्दा माथिबाट पहिरो खसेपछि कार चिरौदी खोलामा पुगेको हो ।

पोखराबाट काठमाडौं आउँदै गरेको ग २ च ७८८५ नम्बरको प्राइवेट कारमा सवार चारै जना घाइते भएको जिल्ला प्रहरी कार्यालय धादिङले जनाएको छ ।

प्रहरीका अनुसार गुडिरहेको कारलाई सडक माथिबाट आएको पहिरोले ठक्कर दिएपछि कार खोलामा खसेको हो । दुर्घटनामा परि घाइते भएकाहरुको उद्धार गरि नजिकै रहेको स्वास्थ्य संस्थाहरुमा उपचार भइरहेको छ । दुर्घटनापछि अवरुद्ध बनेको राजमार्ग खुलाउने प्रयास भइरहेको ट्राफिक प्रहरीले जनाएको छ ।