पृथ्वी राजमार्ग हुँदै काठमाडौं भित्रिने मुख्य नाका नागढुंगादेखि धादिङको धुनिवेशी नगरपालिका-९ स्थित झ्याप्लेखोला सडक खण्डमा मंगलबार (१५ असोज) बिहान ११ बजेदेखि दिउँसो १ बजेसम्म सवारी सञ्चालनमा रोक लगाइएको छ ।

आज दिउँसो ११ बजेदेखि १ बजेसम्म नागढुंगादेखि झ्याप्ले खोलासम्म पूर्णरुपमा सडक बन्द गरेर पहिरो पन्छाइने भएको प्रहरीले जनाएको छ । पहिरोले अवरुद्ध पृथ्वी राजमार्गअन्तर्गत नागढुंगा-मुग्लिन सडक एकतर्फी सञ्चालनमा आएको छ ।