लण्डन / एघार हजार माइल पर क्यानाडामा एक जना गर्लफ्रेण्डलाई बिस्तरामा कसैले आक्रमण गरेर मारेको दृष्य वेबक्याममार्फत चीनबाट तिनको ब्वाइफ्रेण्डले प्रत्यक्ष देखेको समाचार प्रकाशमा आएको छ । योर्क युनिभर्सिटी भिलेज, टोरोन्टोमा २३ वर्षीया चियन निकोल लिउ नाम गरेकी युवतीको अर्ध नग्न शरीर आफ्नै अपार्टमेन्टभित्र मृत अवस्थामा टोरोन्टो प्रहरीले प्राप्त गरेको थियो । डिटेक्टिभ सार्जन फ्रेंक स्कुबिकले मृत युवतीको ब्वाइफ्रेण्डबाट प्राप्त सूचनाअनुसार इङलिश ल्याङगुएज इन्स्टिट्यूटकी विधार्थी, मृतक युवती लिउ ब्वाइफ्रेण्डसंग शुक्रवार राति एक बजेतिर वेबक्याममार्फत अनलाइन् कुरा गरिरहेकी बेलामा बाहिरबाट एक जना पुरुषले ढोका ढक्ढकाएको सुनेर युवतीले ढोका खोलेकी थिईन् । ढोका खोलेको केही क्षणपछि एक जना पुरुष कोठाभित्र पसेका थिए । सायद युवतीले त्यस व्यक्तिलाई चिन्दो होलिन्, तर ब्वाइफ्रेण्डले त्यस व्यक्तिलाई चिनेनन् । घटनाबारे अनलाइनका प्रत्यक्षदर्शीले बेइजिङ, चीनबाट प्रहरीलाई खबर गरेका थिए ।

उनले ‘एक जना बलिष्ठ मझौला शरीर बनोट भएका, खैरो रंगको कपाल भएको मानिसले मृतकलाई मोबाइल फोन् प्रयोग गर्नका लागि कर लगाएका थिए, त्यसपछि सो व्यक्तिले गर्लफ्रेण्डलाई हिंस्रक आक्रमण गरेका थिए । गर्लफ्रेण्ड आफ्नो बचावटको लागि लडेकी थिईन् र बेला-बेलामा उनीहरुको छवि वेबक्यामबाट ओझेल भएको थियो’ भनेर प्रहरीलाई सूचना दिएका छन् । प्रत्यक्षदर्शीका अनुसार हत्यारा करिब ६ फुट अग्लो उँचाइ, गोरो वर्ण अन्दाजी २० वर्ष उमेरका हाराहारीमा रहेको जानकारी दिएका छन् । त्यस व्यक्तिले केही बेरपछि ल्यापटप बन्द गरेका थिए र यतिखेर त्यो ल्यापटप हराएको छ ।

आफ्नो नाम बताउन नचाहने ब्वाइफ्रेण्डले जब वेबक्याममा बोल्दै गरेको बेलामा करिब त्यो घटना घटेपछि उनले चीन र टोरोन्टो, क्यानाडामा सामाजिक नेटवोकिंग साइटहरुमार्फत सबैलाई सावधानी गरेर मद्दतका लागि सूचना सम्प्रेषण गरेका थिए । तर, घटनास्थलमा प्रहरी १० घण्टापछि मात्र पुगेको थियो । मृतकको अपार्टमेन्टको छिमेकमा बस्ने छिमेकीहरूका अनुसार आक्रमणकारीले तीनलाई रोमान्सका कारण पच्छ्याएको र अस्वीकार गरेपछि मारेका हुनसक्ने शंका व्यक्त गरेका छन् ।

प्रहरीले कम्प्युटरविज्ञहरुलाई घटनासँग सम्बन्धित वेबक्याममा रेकर्ड भएका छविहरू नेटबाट उपलब्ध गराउनुका लागि आग्रह गरेका छन् ।-सुमल, श्रोत मेट्रो