सिरहामा प्रहरी टोलीले गए राति जिल्लाका विभिन्न स्थानबाट करिब एक लाख ५० हजार मूल्यबराबरको विस्फोटक पदार्थ पटाका बरामद गरेको छ ।

जिल्ला प्रहरी कार्यालय सिरहाबाट खटिएको प्रहरी टोलीले अवैध रूपमा भारतबाट ल्याउँदै गरेको अवस्थामा पटका, फूलझरी, बुलेट बम, चक्कर हाइड्रो फोइल्स, रविन्स बुलेटलगायतका विस्फोटक पदार्थ बरामद गरेको हो । बरामद गरिएका पटाका आज नस्ट पारिने जिल्ला प्रहरी कार्यालय सिरहाका प्रवक्ता प्रहरी नायब उपरीक्षक माधवराज खरेलले जानकारी दिए ।

दीपावली तथा छठपर्व नजिकिँदै जाँदा भारतीय बजारबाट पटाकालगायतका विस्फोटक पदार्थ चोरी तस्करीको क्रम शुरु भएको छ । यस्तै प्रहरीले सिरहा नगरपालिकास्थित माडरबाट करिब डेढ लाख मूल्यबराबरको बिजुलीका सामान बरामद गरेको छ ।