सिरहाको नरहा गाउँपालिकाबाट लागूऔषध गाँजासहित ७० वर्षीय वृद्धलाई सिरहा प्रहरीले हिरासतमा लिएको छ । दुई किलो गाँजासहित नरहा गाउँपालिका–५ नरहा टोलनिवासी वर्ष ७० का सिताई यादव भन्ने सीताराम यादवलाई पक्राउ गरिएको हो । गोप्य सूचनाको आधारमा यादवको घरमा प्रहरी टोलीले खानतलास गर्दा प्लास्टिकको झोलामा पोका पारेर लुकाएको अवस्थामा राखिएको सो परिमाणको गाँजा भेटिएपछि प्रहरीले यादवलाई हिरासतमा लिएको प्रहरीले जनाएको छ ।

यसैगरी, वन कर्मचारीको गस्ती टोलीले सिरहा जिल्लाको लाहान नगरपालिका–१५ निवासी ढोढनाबाट १७ थान सखुवाको तख्ता बरामद गरेको छ । डिभिजन वन कार्यालय लाहानबाट खटिएका गस्ती टोलीले चुरे जङ्गलबाट तस्करी गरी लुकाएर राखेको गोप्य सूचनाको आधारमा १७ थान सखुवाको चिरान तख्ता बरामद गरेको जनाएको छ ।

– रामभरत साह