कोरोना भाइरस (कोभिड–१९)बाट विश्वभर मृत्यु हुने व्यक्तिको सङ्ख्या तीन लाख ८३ हजार ७२ पुगेको छ भने, सङ्क्रमितको सङ्ख्या ६४ लाख ८२ हजार ६९५ पुगेको विश्व स्वास्थ्य सङ्गठन (डब्लुएचओ) ले जानकारी दिएको छ ।

नेपाली समयानुसार बुधबार (३ जुन) साँझसम्ममा कोरोना भाइरसको कारण बिरामी भएकामध्ये ३० लाख ८९ हजार १०१ जना निको भएका जनाइएको छ ।

हालसम्म कोरोना भाइरस सङ्क्रमित ५४ हजार ४९३ जनाको अवस्था गम्भीर रहेको छ । चीनको हुबे प्रान्तको उहान शहरबाट गत वर्षको डिसेम्बरको अन्त्यबाट शुरु भएको कोरोना भाइरस सङ्क्रमणको कारण अमेरिकालाई अत्यन्त प्रभावित पारेको छ ।

डब्लुएचओका अनुसार संयुक्त राज्य अमेरिकामा मात्र १८ लाख ८१ हजार ४८२ जनामा कोरोना भाइरस सङ्क्रमण रहेको छ । यस प्रकोपको कारण अमेरिकामा एक लाख आठ हजार ८३ व्यक्तिको मृत्यु भएको छ ।

दक्षिणमा अमेरिकामा नौ लाख ४७ हजार ७५९ जना कोरोना भाइरस सङ्क्रमति रहेका छन् । यहाँ ४२ हजार ७२२ को मृत्यु भएको छ ।

युरोपमा २० लाख २४ हजार १४ जना कोरोना भाइरस सङ्क्रमित रहेका छन् भने, एक लाख ७५ हजार ८७३को मृत्यु भएको छ ।

एसियामा १२ लाख १५ हजार १६२ जनामा कोरोना भाइरस सङ्क्रमण रहेको छ भने, ३२ हजार १३९ जनाको मृत्यु भएको छ ।

भारतमा पनि कोरानाका कारण मृत्यु हुनेको संख्या ६ हजार नाघिसकेको छ भने २ लाख १६ जारभन्दा बढि सङ्क्रमित छन् ।