कोरोना भाइरस महामारीका कारण गत मार्चदेखि बन्द रहेको पेरिस (फ्रान्स)स्थित आइफेल टावर १०४ दिनपछि पहिलोपटक बिहीबार (२५ जुन) खोलिएको छ ।

विश्वभरका पर्यटकका लागि आश्चर्य र प्रमुख आकर्षणका रुपमा रहेको आइफेल टावर अझै केही समय पर्यटकका लागि भने खुला गरिने छैन ।

बिहीबार पत्रकार र फ्रान्सेली अधिकारीहरुसहित करिव ५० जनाले सिँढीबाट आइफेल टावरको दोस्रो तलासम्म चढ्ने कार्यक्रम रहे पनि सामाजिक दूरीका नियम पालना गर्नुपर्ने भएका कारण टावरको लिफ्ट भने बन्द गरिने जनाइएको छ ।