बंगलादेशको ढाकामा सम्पन्न बंगबन्धु शैख मुजिब ढाका म्याराथनमा सहभागी भइ दुई खेलाडीसहितको तीन सदस्यीय नेपाली एथलेटिक्स टोली स्वदेश फर्किएको छ ।

जनवरी १० मा भएको म्याराथनमा नेपालबाट समान १–१ पुरुष÷महिला खेलाडीले प्रतिस्पर्धा गरेका थिए ।

महिलामा पुष्प भण्डारीले ऐतिहासिक स्वर्ण जितेकी थिइन् । नेपाली एथलेटिक्सको इतिहासमा कुनै पनि नेपाली महिला खेलाडीले अन्तर्राष्ट्रिय म्याराथनमा स्वर्ण जितेको यो पहिलो अवसर हो ।

पुष्पा १३औँ दक्षिण एसियाली खेलकुद (साग) की रजतविजेता हुन् । पुरुषमा १३औँ सागका स्वर्ण विजेता किरणसिंह बोगटी चौथो भए ।

टोलीलाई नेपाल एथलेटिक्स संघका सचिव आरके विष्टले स्वागत गरे । नेपाली टोली ढाकाबाट कोलकातासम्म हवाइमार्गबाट आए पनि मौसमका कारण उडानमा ढिलाइ भएपछि कोलकात्ताबाट टोली स्थलमार्ग हुँदै बागडोग्रादेखि झापाको भद्रपुर र त्यहाँदेखि हवाइमार्गबाट काठमाडौं आएको हो । नेपालबाट ढाका जाँदा भने टोली हिमालयन एयरलाइन्सको चार्टर्ड विमानमा गएको थियो ।