डम्बर निदाल, डडेल्धुरा

नेपाल लोकतान्त्रिक खेलकुद संघको केन्द्रिय सदस्यमा नेपाली कांग्रेस अमरगढी नगर सभापति दानबहादुर पाल मनोनयन भएका छन् । संघको बृहत्तर हितलाई ध्यानमा राखी संघको विधानअनुरुप सभापति पाललाई मनोनयन गरिएको बताइएको छ ।

नेपाली काङ्ग्रेस केन्द्रिय कार्य समिति तथा नेपाल लोकतान्त्रिक खेलकुद विभाग र नेपाल लोकतान्त्रिक खेलकुद संघले संयुक्त रूपमा गरेको मूल्याङ्कनका आधारमा डडेल्धुरा जिल्लाका समाजसेवी तथा नेपाली कांग्रेस अमरगढी नगरसभापति पाललाई संघको केन्द्रिय सदस्यमा मनोनयन गरिएको सम्बद्ध पक्षको भनाइ छ ।

पार्टीले गरेको उच्च मुल्याङ्कनले आफूलाई सामाजिक कार्य गर्न थप हौसला मिलेको पालले बताए ।

राजनीतिसँगै सामाजिक सेवालाई अघि बढाइरहेका पाल दीनदुःखी, असहाय, गरिव, अपागङ्गता भएका, निमुखा नागरिकहरूको सहयात्री बनेका छन् । विभिन्न दुःखको समयमा उनले अवस्था हेरी खाद्य सामग्री, स्वास्थ्य सामग्री, लुगाकपडा र नगद समेत प्रदान गरी सहयोग गर्दै आएका छन् ।