हेमशंकर सिंह, सप्तरी
सप्तरी सदरमुकाम राजविराजमा सञ्चालन भइरहेको देवसुन्दर स्मृति प्रथम महिला तथा पुरुष राष्ट्रिय भारोत्तोलन प्रतियोगताको दोश्रो दिन आइतबार उत्कृष्ट प्रदर्शन गर्दै नेपाल प्रहरी अग्रस्थानमा पुगेको छ ।
अघिल्लो दिन एक स्वर्ण जितेको नेपाल प्रहरीले दोश्रो दिन महिलातर्फ ८ स्वर्ण र पुरुषतर्फ एक स्वर्ण थप्दै स्वर्ण पदकको संख्या १० पु¥याएको छ ।
यस्तै ७ स्वर्ण जित्दै वर्दिया नेपाल प्रहरीलाई पछ्याइरहेको छ । यस्तै नेपाली सेना, बाँके र सशस्त्र प्रहरीले ३–३ स्वर्ण तथा सप्तरी, कंचनपुर र कास्कीले २–२ स्वर्ण हात पारेका छन् । दाङ र पर्साले १–१ स्वर्ण जितेका छन् ।
दोश्रो दिनका विजेता खेलाडीहरुलाई नेपाल पत्रकार महासंघका केन्द्रिय अध्यक्ष गोबिन्द आचार्यले पदक र प्रमाणपत्र बितरण गरेका छन् ।
जिल्ला भारोत्तोलन संघ सप्तरीको आयोजनामा संचालित प्रतियोगितामा सातवटै प्रदेशका साथै नेपाली सेना, सशस्त्र प्रहरी, नेपाल प्रहरीका गरि १ सय २० खेलाडीको सहभागिता रहेको छ । महिला तर्फ १७ र पुरुषतर्फ विभिन्न १८ तौल समूहमा प्रतिष्पर्धा भइरहेको आयोजक समितिले जनाएको छ ।
प्रतिक्रिया