पार्टी एकताको लागि गठन गरिएको एमालेको कार्यदलले पेश गरेको पार्टी एकताको १० बुँदे सहमति नेकपा एमाले केन्द्रीय कमिटी बैठकले अनुमोदन गरेको छ । एमाले पार्टी प्रवक्ता प्रदीप ज्ञवालीका अनुसार तुल्सीलाल स्मृति प्रतिष्ठानको कार्यालय च्यासल ललितपुरमा सोमबार बसेको केक बैठकले पार्टी निर्देशन उल्लंघन गर्ने २२ सांसदलाई स्पष्टीकरण सोध्ने निर्णयसमेत गरेको छ ।
१० बुँदे सहमति कार्यन्वयनमा लैजानुका साथै प्रधानमन्त्री शेरबहादुर देउवाको पक्षमा विश्वासको मत दिने वरिष्ठ नेता माधवकुमार नेपालसहित २२ जना सांसदलाई अनुशासन उल्लंघनको विषयमा २४ घण्टे स्पष्टिकरण सोध्ने निर्णय गरेको र केन्द्रिय कमिटीको अर्को बैठक मंगलबार अपरान्ह ३ बजे बस्ने भएको ज्ञवालीले जानकारी दिए ।
प्रतिक्रिया