- विशेष प्रतिनिधि, जापान
जापानका मौसम अधिकारीहरूले उष्णकटिबंधीय ताईफु (तूफान) मेरीले शनिबार टोकियोको मध्य क्षेत्र वा कान्तो क्षेत्रमा ल्याण्डफिल गर्ने सम्भावना रहेको बताएका छन् । अधिकारीहरूले भनेका छन् कि सक्रिय वर्षाको बादलको समूहले शिजुओका र तोकाइ क्षेत्रका अन्य प्रिफेक्चरहरूमा प्रकोपको जोखिम बढाउन सक्छ ।
तोकाइ, कान्तो र कोशिन क्षेत्रमा यसअघि नै प्रतिघण्टा ५० मिलिमिटरभन्दा बढी वर्षा भइसकेको छ । सप्ताहन्तमा थप वर्षाको पूर्वानुमान गरिएको छ । शनिबार साँझदेखि २४ घण्टामा शिजुओकामा ३०० मिलिमिटर र कान्तो(कोशिनमा २०० मिलिमिटर वर्षा हुने अनुमान गरिएको छ ।
अधिकारीहरूका अनुसार यो तूफानले हावालाई बलियो बनाउने र जापानको नजिक पुग्दा छालहरू उठाउने सम्भावना छ । इजु टापुहरू, मध्यटोकियोको दक्षिणमा, र कान्तो र तोकाइका क्षेत्रहरूमा लगभग ७२ किलोमिटर प्रति घण्टाको गतिमा हावा चल्ने अनुमान गरिएको छ । मौसम अधिकारीहरूले पहिरो, बाढी, बग्ने वा ओभरफ्लो नदीहरू, र उच्च छालहरूको चेतावनी दिइरहेका छन् ।
अल निप्पोन एयरवेजले शनिबारको लागि शिजुओका र हाचिजो टापुबाट प्रस्थान गर्ने वा आइपुग्ने निर्धारित १० उडानहरू रद्द गरिसकेको बताएको छ । एयरलाइन्सले टोकियोको हानेदा एयरपोर्टमा जाने र आउने उडानहरू रद्द गर्न सक्ने पनि बताएको छ ।
टोकियोको पूर्वमा रहेको चिबा प्रिफेक्चरका केही रेल सेवाहरू शनिबार बन्द हुने जनाएको छ ।
प्रतिक्रिया