राजधानीको मालिगाउँमा श्रोत नखुलेको ९८ लाख रुपैयाँ बरामद भएको छ । काठमाडौं उपत्यका अपराध अनुसन्धान कार्यालयको प्रहरी टोलीले शुक्रबार बिहान समीर सुनार (२८) र मिलन विश्वकर्मा (२९) का साथबाट उक्त रकम बरामद गरेको हो ।
प्रहरी स्रोतका अनुसार पक्राउ परेका उनीहरु रुपन्देहीको सियारी गाउँपालिका-७ का बासिन्दा हुन् । सुन तस्करी गर्दै आएका उनीहरु यसअघि पक्राउ परेर छुटिसकेका व्यक्ति हुन् ।
बरामद भएको रकम सुन किनबेचमा प्रयोग गरिने प्रहरीको आशंका छ । प्रहरीले उनीहरुले प्रयोग गरेको बा१३च ४८५८ नम्बरको इको स्कोर्ट गाडी पनि बरामद गरेको कार्यालयका प्रवक्ता एसपी रविन्द्र रेग्मीले जानकारी दिए ।
प्रतिक्रिया