✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्तनाम संवत्सर बर्षा ऋतु वि.सं. २०८१ श्रावण ४ गते तद्अनुसार सन् २०२४ जुलाई १९ तारिख शुक्रबार आषाढ शुक्ल त्रयोदशी तिथि मूल नक्षत्र ऐन्द्र योग कौलव करण आनन्दादिमा स्थिर योग चन्द्रमा धनु राशिमा भ्रमणशील रहनेछ । काठमाडौंमा सूर्योदय बिहान ५ः२१ मा भयो र सूर्यास्त साँझ १८ः५८ मा हुनेछ ।

आजको राशिफल

मेष – आजको दिन बौद्धिक क्षेत्रमा राम्रो उपलब्धि प्राप्त हुने देखिन्छ । राम्रै आम्दानी हुने रोजगारीको अवसर मिल्न सक्छ । बोलीको भरमा काम सम्पादन हुनसक्ने समय छ । बेसुरमा अरूलाई दिएको वचनले अप्ठ्यारोमा पार्न सक्ने योग रहेकोले सचेतना अपनाउनु हितकर हुनेछ । पढाइलेखाइमा खासै प्रगति नहोला । नयाँ काममा हात हाल्न केही समय पर्खनु उचित होला । इष्टमित्रको सहयोग प्राप्त हुनेछ ।

वृष – तपाईंबाट भए/गरेका कामबाट धेरैलाई फाइदा पुग्ने समय छ । सहयोगीहरूले पनि काममा साथ दिनेछन् । व्यक्तित्व निखार्दै नयाँ काम गर्ने अवसर प्राप्त होला । व्यापारमा फाइदा हुनेछ भने आँटेका काम तत्काल सम्पादन हुने योग छ । पछिसम्म लाभ हुने काममा लगानी गर्ने अवसर प्राप्त हुनेछ । आँट वृद्धि हुनेछ । जोखिममा नपर्नु बेस रहनेछ । यात्रापरक काम बन्नेछ ।

मिथुन – रोकिएका काम बन्ने र नयाँ काम सुरु गर्ने समय छ । पहिलेका कमजोरी सुधार्दै फाइदा उठाउने सकिने छ । बिछोडिएका परिवारजनसँग भेटघाट होला । सहयोगीहरूले काममा उत्साह जगाउनेछन् । अनावश्यक भ्रमण हुन सक्ने सम्भावना छ, सोचविचार गर्नुहोला । आज स्वास्थ्यगत समस्याले पनि सामान्य सताउन सक्छ । उपचारमा खर्च हुनुबाट बच्न खानपानमा सजगता अपनाउनुहोला । बौद्धिकता र रचनात्मकता बढ्नेछ ।

कर्कट – ठूलो प्रयत्न गर्दा पनि उपलब्धि उठाउन मुस्किल पर्ने देखिन्छ । आफ्नै कमजोरीले विवादमा परिने सम्भावना छ । परिवारजनबाट टाढिनुपर्ला । सहयोगको आशा देखाउनेहरूले धोका दिन सक्छन्, सचेत रहनुहोस् । व्यावसायिक काममा खर्च बढ्नेछ । व्यापारमा सामान्य फाइदा हुनेछ । प्रतिस्पर्धीलाई पनि पछि पार्न सकिने योग छ । प्रतिकुलताका बाबजुद प्रेमभाव बढ्नेछ । साथीभाइको सहयोग प्राप्त हुनेछ ।

सिंह – आजको दिन रोकिएका काम बन्नाले उत्साह जाग्नेछ । मेहनत गर्दा राम्रै प्रतिफल प्राप्त हुनसक्छ । रमाइलो जमघटका बीच स्वादिष्ट भोजनको आनन्द पाइएला । पहिलेको सफलताले थप हौसला जगाउनेछ । तर, विद्यामा कमजोरी र लेनदेनमा विवादको सम्भावना छ । विगतका समस्या बल्झिन सक्ने तथा सानातिना घरेलु समस्या देखापर्ने योग छ । मनोरञ्जनात्मक क्रियाकलापमा आकर्षण बढ्नेछ । कलात्मक काममा सफलता मिल्नेछ ।

कन्या – व्यस्तता वृद्धि भएपनि कामको राम्रै मूल्यांकन हुने र लाभ हुने काम प्रारम्भ गर्ने समय छ । कामको सन्दर्भमा विशिष्ट व्यक्तित्वहरूसँग मित्रता बढ्ला । कला, साहित्य, मनोरञ्जन आदि क्षेत्रमा रुचि बढ्नेछ । भौतिक साधनसमेत जुट्ने योग छ । चिताएको काम समयमा सम्पादन नहुन सक्छ, ध्यान राख्नुहोला । स्वास्थ्य केही कमजोर भएको अनुभूति हुन सक्छ रपनि पराक्रम बढ्ला । कार्यगति बढ्नेछ ।

तुला – आजको दिन कामको चापबाट फुर्सद मिलेको अनुभूति होला । मेहनत गर्दा राम्रै धन आर्जन हुने समय छ । रमाइलो यात्रा गर्ने अवसर जुट्नेछ भने सुखदुःखमा साथ दिनेहरू भेटिनेछन् । स्वास्थ्य सबल रहनेछ । रसरागको भाव जागृत होला । पराक्रम बढ्नेछ ।

वृश्चिक – दिगो योजना प्रारम्भ हुने तथा आम्दानी तथा आयआर्जनका स्रोत खुल्ने समय छ । साझेदारीको काममा फाइदा होला । तथापि, आज अरूका काममा धेरै समय बित्न सक्छ । व्यक्तिगत उपलब्धि प्राप्त गर्न निकै मिहिनेत गर्नुपर्ला । काम पूरा नहुनाले मन खिन्न रहने सम्भावना पनि छ । आफन्त तथा नजिकका साथीभाइ टाढिन सक्छन्, व्यवहारमा लचकता अपनाउनु हितकर हुनेछ । खर्च नियन्त्रणको लागि योजना र बजेट बनाइ कार्य गर्नुहोला ।

धनु – अवसरको खोजीमा केही दौडधुप गर्नुपर्ला । समयमा होस नपुग्नाले काम रोकिन सक्छ । प्रयत्न गर्दा पनि मौकाको फाइदा उठाउन नसकिने योग रहेकोले महत्वपूर्ण कार्य थााती राख्नु उचित हुनेछ । सवारीसाधनको प्रयोगमा आज विशेष सजगता अपनाउनुहोला । तार्किक क्षमता बढ्नेछ । दीर्घकालीन रूपमा फाइदा हुने काममा हात हाल्ने योग छ । आरोग्यता रहनेछ ।

मकर – रुचिका विषयमा लगानी बढाउने समय छ । नयाँ कामको प्रस्ताव आउने तथा धनआर्जन हुने योग छ । काममा सहयोगीहरू प्रशस्तै भेटिनेछन् । व्यवसायमा लाग्नेहरूलाई विशेष फाइदाको दिन छ । इर्ष्या गर्नेहरू सक्रिय हुनसक्ने हुँदा विशेष सावधानी अपनाएर काम गर्नुहोला । आर्थिक क्रियाकलापमा राम्रै फाइदा उठ्न सक्छ । सफलताको दर बढ्नेछ । दायित्वलाई पूरा गर्नुहुनेछ ।

कुम्भ – रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा होला । परिवारजनको साथले काममा उत्साह जगाउनेछ । प्रेम र मित्रताको बन्धन कसिने तथा दाम्पत्य जीवन सुखमय बन्ने देखिन्छ । परोपकारमा मन जाला । आज स्वास्थ्य भने केही कमजोर रहन सक्छ, ख्याल राख्नुहोला । आर्थिक विकाससित सम्बन्धित कार्यमा सफलता मिल्नेछ ।

मीन – कर्मबल बढ्नेछ । सामान्य अस्वस्थताले काममा ढिलासुस्ती हुनसक्ने योग भएपनि प्रयत्न गर्दा विभिन्न अवसर प्राप्त हुनुका साथै दैनिकीमा परिवर्तन आउनसक्ने समय छ । मिठो भोजन प्राप्त हुनेछ । कामको दायित्व बढ्नेछ । सानातिना काममा महत्वपूर्ण समय बित्नपनि सक्छ । अप्रिय समाचारले दुःखी बनाउन सक्छ, संयमता अपनाउनु उचित हुनेछ ।