✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्तनाम संवत्सर वर्षा ऋतु वि.सं. २०८१ भाद्र २१ गते तद्अनुसार सन् २०२४ सेप्टेम्बर ६ तारिख शुक्रबार भाद्र शुक्ल पक्षको तृतीया तिथि १२ः०८ पर चतुर्थी तिथि हस्ता नक्षत्र ८ः९ पर चित्रा नक्षत्र शुक्ल योग वणिकरण आनन्दादिमा अमृत योग चन्द्रमा कन्या राशिमा भ्रमणशील रहनेछ । काठमाडौंमा सूर्योदय बिहान ५ः४५ मा भयो र सूर्यास्त साँझ १८ः१७ मा हुनेछ । हरितालिका ब्रत (तीज), चन्द्र दर्शन दोष (चौरचन) ।

आजको राशिफल

मेष – आजको दिन खर्च केही बढे पनि दिगो फाइदा हुने काममा लगानी गर्ने अवसर जुट्न सक्छ । आश्वासन दिएर झुक्याउनेहरूले सताउन सक्छन्, गोपनीयतामा ध्यान दिँदै सचेत रहनु हितकर होला । पुरानो समस्याले केही झमेला आइलाग्न सक्ने योग छ । दाम्पत्य सम्बन्धमा पनि केही चिसोपन आउन सक्छ । साझेदारीको काम बन्नेछ । मिठो भोजन प्राप्त होला ।

वृष – पारिवारिक भेटघाटको समय छ । टाढिएका आफन्तहरू नजिकिनेछन् । विशेष सभा–समारोहमा भाग लिने अवसर जुर्नसक्छ । मानसम्मान पनि पाइएला । आजको दिन नयाँ कामको सुरुवात खासै राम्रो छैन । हैरानी बढ्न सक्छ । कार्यबोझ बढ्नाले थकान महसूस हुने देखिन्छ । शत्रुसित लड्ने सामर्थ्य बढ्नेछ । पारिवारिक समस्याको समाधान मिल्नेछ ।

मिथुन – आजको दिन सानातिना समस्या आइपरे पनि मनोरञ्जनपूर्ण रुपले बित्ने देखिन्छ । बुद्धिको उपयोगले लक्ष्य प्राप्त गर्न सकिनेछ । पढाइलेखाइमा प्रगति हुुनुका साथै प्रेम र मित्रताको बन्धन कसिएर जाला । पराक्रमका साथै बौद्धिकता र रचनात्मकता बढ्नेछ । ऋण रोग र शत्रुमाथि विजय प्राप्त होला । समष्टिमा दिन सुखमय रहला ।

कर्कट – ब्यस्तता बढ्नेछ । आत्मीयजनसँग भेटघाट होला । सरसफाइ, वागबगैंचा सम्बन्धी काममा आकर्षित भइनेछ । परिवारजनसँग आत्मीयता बढ्ने समय छ । स्वादिष्ट भोजनको आनन्द मिल्नेछ । स्वास्थ्य सबल रहला । साथीभाइको सहयोग प्राप्त हुने योग छ । रोकिएको काम बन्नेछ । शत्रुमाथि विजय प्राप्त हुनेछ । रसरागमा आकर्षण बढ्ने देखिन्छ ।

सिंह – आजको दिन मिश्रित फलदायी रहला । पराक्रम वृद्धिका बाबजुद कामका केही अवसर फुत्कने सम्भावना छ । तथापि, व्यापार-व्यवसायमा राम्रै फाइदा हुने योग छ । मान पुरस्कार प्राप्त हुने देखिन्छ । पीडा दिनेहरु सक्रिय रहन सक्छन्, सावधान रहनुहोला । रसरागको कार्यक्रममा आकर्षण बढ्नेछ । आरोग्यपन बढ्नेछ ।

कन्या – प्रतिभा देखाएर अवसर हातपार्न सकिने दिन छ । लगनशीलताले राम्रै उपलब्धि दिलाउला । घर बसेरै विभिन्न काम सम्पादन गर्न सकिने समय छ । चुनौतीहरू पन्साउँदै रोकिएका काम पूरा गर्ने प्रयत्न गर्नुहोला । धैर्यले काम लिने प्रयत्न गरे सफलताको दर वृद्धि हुने देखिन्छ । यात्रागत कार्यमा सफलता प्राप्त हुनेछ ।

तुला – मेहनतले प्रतिस्पर्धाको दौड जिताउन सक्छ । भौतिक साधन जुट्नेछन् भने कृषि तथा पशु व्यवसायबाट विशेष लाभ हुने समय छ । प्राकृतिक पर्यावरणमा रमाइएला । श्रमको उचित मूल्यांकन हुनेछ । आरोग्यता रहनेछ । मिठो भोजन प्राप्त होला । रसरागमा आकर्षण बढ्नेछ ।

वृश्चिक – आजको दिन खर्च केही वृद्धि हुने देखिन्छ । दाम्पत्यजीवन सुखद रहला । लामो यात्राको प्रक्रिया अघि बढ्ने योग छ । प्रयत्न गर्दा लक्ष्यमा पुग्न सकिनेछ । रोकिएको काम बन्ने समय छ । स्वास्थ्य सबल रहला । सामर्थ्य वृद्धि हुनेछ । योजना र बजेट बनाइ कार्य गर्नु बेस होला । शत्रुलाई जीत्ने क्षमतामा वृद्धि हुनेछ ।

धनु – उद्योग तथा व्यापारमा सामान्य फाइदा मिल्नेछ । स्वास्थ्य केही कमजोर रहनसक्छ । सहयोगीहरूले हात झिक्नाले काममा समस्या थपिने देखिन्छ । आय वृद्धिसँगै खर्च पनि बढ्ने देखिन्छ । छरछिमेकमा केही असमझदारी बढेपनि समस्याको समाधान हुने योग छ । मिठो भोजन प्राप्त हुनेछ । गीतसंगीत र रसरागात्मक कार्यमा आकर्षण रहला ।

मकर – भाग्यबल बढ्नेछ । ऋण रोग र शत्रुलाई जित्ने सामर्थ्य वृद्धि होला । नियमकानूनले साथ दिनेछ । आयआर्जन बढ्ने र उठ्नुपर्ने रकम हातलागी हुने समय छ । उत्साहजनक समाचारले हर्ष बढ्ला । खेलकूद, भ्रमण जस्ता मनोरञ्जनात्मक क्रियाकलापमा आकर्षण बढ्नेछ । यात्रामा सफलता प्राप्त हुनेछ ।

कुम्भ – दौडधुप बढेपनि दीर्घकालीन रूपमा फाइदा हुने काममा हात हाल्ने समय छ । तार्किक क्षमता बढ्ला । आम्दानी बढ्नुका साथै भौतिक साधन जुटाउन सकिनेछ । नयाँ सवारी साधन प्राप्तिको योग छ । पढाइलेखाइमा प्रगति हुनेछ । मिठो भोजन प्राप्त हुनेछ । सामर्थ्य वृद्धि हुनेछ । आर्थिक विकाससित सम्बन्धित कार्यमा विशेष सफलता मिल्नेछ ।

मीन – विभिन्न अवसरले पछ्याउनेछन् भने बोलीको प्रभाव पनि बढ्ने समय छ । नियमित कार्यमा जाँगर वृद्धि भइ धनलाभ होला । वैदेशिक क्षेत्रबाट लाभ उठाउने योग छ । चिताएको काम बन्ने देखिन्छ । रसरागमा आकर्षण रहला । दाम्पत्यसुख बढ्नेछ । साझेदारीको काम बन्नेछ । मिठो भोजन प्राप्त हुनेछ ।