✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्तनाम संवत्सर शरद ऋतु वि.सं. २०८१ आश्विन १६ गते तद्अनुसार सन् २०२४ अक्टोबर २ तारिख बुधबार आश्विन कृष्ण पक्षको अमावश्या तिथि उत्तरा फाल्गुनी नक्षत्र ब्रम्हा योग चतुष्पाद करण आनन्दादिमा प्रवर्द्ध योग चन्द्रमा कन्या राशिमा भ्रमणशील रहनेछ । काठमाडौंमा सूर्योदय बिहान ५ः५७ मा भयो र सूर्यास्त साँझ १७ः४७ बजे हुनेछ । औंसी श्राद्ध, सोह्र श्राद्ध समाप्ति, विश्व अहिंसा दिवस ।

आजको राशिफल

मेष – सानातिना घरायसी काममा समय बित्ने देखिन्छ । पेशागत रुपमा समस्या देखिन सक्छ । ब्यापारमा भने केही फाइदा नै हुने देखिन्छ । यात्राको तयारीमा हुनुहन्छ भने सकभर थाती राख्नु नै बेस हुनेछ । बेकारको विवादमा फस्ने सम्भावना छ, बोली र व्यवहारमा संयमता अपनाउनु होला । मुद्दा मामिलामा पर्नुबाट जोगिन विशेष प्रयास गर्नु उचित हुनेछ । प्रतिकुलतका बाबजुद साहस भने कायम रहला ।

वृष – मिश्रित फलदायी समय छ । केही चुनौती वृद्धि भइ नियमित काममा दबाबको सामना गर्नुपर्ला । लेनदेनमा समस्या आउन सक्छ । जागीरमा हुनेका लागि सम्मान पाइने योग छ । व्यापारमा गरेको लगानी पनि सन्तोषप्रद रहला । अरुबाट मिलेको प्रशंसाले मन हर्षित रहने छ । सामाजिक कामबाट प्रतिष्ठा प्राप्त हुनेछ । आजको दिन नाता-कुटुम्बका काममा सघाउनु पर्ने अवस्था आउन सक्छ । प्रेमभाव बढ्नेछ ।

मिथुन – पराक्रम र हौसला वृद्धि भइ रोकिएका काम पूरा हुने समय छ । मन हर्षित रहला । वैदेशिक क्षेत्रमा गरेको लगानीले फाइदा नै गर्ने देखिन्छ । अध्ययन-अध्यापन, कृषि तथा ब्यापारमा उन्नति हुने योग छ । नजिकका मित्रबाट विशेष सहयोग र सुख प्राप्त हुनेछ । आजको दिन कतैबाट खुसीको खबर प्राप्त हुने सम्भावना छ । बौद्धिकता र रचनात्मकता बढ्नेछ । शत्रुपक्ष परास्त हुनेछ ।

कर्कट – पराक्रम बढ्नेछ । आजको दिन चुनौतीका बाबजुद नसोचेको काम बन्न सक्छ । धैर्यले काम लिने समय छ । मित्रजनको सहयोग पनि प्राप्त होला । अल्झेका कामहरु अरुको सहयोगमा बन्नेछन् । अप्रत्याशित लाभको योग छ । फलदायी यात्रा हुन सक्छ । आरोग्यता रहनेछ । खेलकुद, मनोरञ्जन तथा रसरागमा आकर्षण बढ्नेछ ।

सिंह – काममा अवरोध आउनाले धनको नाशका साथै खिन्नता बढ्न सक्छ । सबल स्वास्थ्यका लागि खानपानमा विशेष ध्यान दिनुहोला । पीडा दिनेहरु सक्रिय रहलान् । व्यर्थको खर्च हुने योग रहेकोले खर्च घटाउने प्रयास गर्नुहोला । प्रतिकुलताका बाबजुद मनोरञ्जनात्मक क्रियाकलापमा आकर्षण बढ्नेछ । यात्राको सम्भावना छ । कलात्मक काममा सफलता मिल्नेछ ।

कन्या – समय शुभदायी छ । अधुरा कामहरु बन्नेछन् भने अरुको विश्वास जित्न सकिनेछ । आफन्त एवम् मित्रजनबाट उचित सहयोग मिल्नेछ । पढाइलेखाइमा जाँगर बढ्ने र सफलता मिल्ने देखिन्छ । ठूला व्यक्तिबाट बुद्धिको तारिफ हुनेछ । नयाँ कामको थालनी गर्न सकिने दिन छ । रोकिएका काम बन्नाले आर्थिक पक्ष सबल रहला । मुद्दा-मामिलामा विजयी भइनेछ । आरोग्यता बढ्नेछ ।

तुला – सामाजिक प्रतिष्ठा बढ्ने दिन छ । निर्माण तथा व्यवहारिक क्षेत्रमा मन लाग्ला । आफन्त मिलनले सुख दिनेछ । अर्थलाभका अवसर आउने छन् । सोचेभन्दा बढी नै लाभ मिल्न सक्छ । आजको दिन तीर्थव्रत तथा देवालय आदिको भ्रमण हुनसक्छ । पाहुनाको आगमनले मन हर्षित रहला । मिठो भोजन प्राप्त हुनेछ ।

वृश्चिक – प्रतिस्पर्धाबाट फाइदा उठाउन सकिने समय छ । जीवनसाथी र आमाको सल्लाहमा गरिएको काममा सफलता प्राप्त होला । रमणीय र सुखद यात्राको योग छ । वैदेशिक क्षेत्रबाट लाभ लिने मौका जुर्ला । आजको दिन कामहरु सजिलैसँग बन्नेछन् । आय वृद्धि हुनेछ । बौद्धिक र रचनात्मक कार्यमा विशेष सफलता मिल्ने देखिन्छ ।

धनु – दिन केही चुनौतीयुक्त रहने देखिन्छ । घरेलु समस्याले सताउन सक्छ । मित्र बनेर धोका दिनेहरु सक्रिय रहलान्, सावधानीको दरकार छ । खर्च वृद्धि तथा अर्थको हानीको सम्भावना छ । स्वास्थ्य पनि केही कमजोर रहन सक्छ । पढाइलेखाइमा ध्यान दिन नसकिएला । धनमाल हराउने सम्भावना छ, सजक रहनुहोला । यात्रापरक काम भने बन्नेछ ।

मकर – भाग्यबल र शुभता बढ्नेछ । नोकरी तथा सामाजिक कार्यबाट मान-सम्मान मिल्ने समय छ । अरुको मन सजिलै जित्न सकिनेछ । नसोचेको धनलाभ हुने योग छ । सानातिना काम र घरेलु समस्याले भने पछ्याइरहने देखिन्छ । महत्वपूर्ण तथा विशेष काम आजको दिन थाती राख्नु नै उचित हुनेछ । यात्रागत कार्य सफल रहनेछ ।

कुम्भ – सामाजिक यश, सम्मान र प्रतिष्ठामा वृद्धि हुने समय छ । रोकिएका काम सजिलै सम्पन्न हुनेछन् । आर्थिक पक्ष पनि सन्तोषजनक रहला । रोकिएका काम बन्ने र नयाँ काम सुरु गर्न सकिने दिन छ । सोचेका काम बन्नाले सुखको अनुभव होला । पठनपाठनमा मन जानेछ । मिठो भोजन प्राप्त हुनेछ । बौद्धिक र रचनात्मक कार्य पनि बन्नेछ ।

मीन – आजको दिन सुखदायी रहला । मित्रजनले राम्रै सहयोग गर्लान् । साथीसंगीसँग रमाइलो भेटघाट होला । नयाँ कामका योजना बन्ने देखिन्छ । काममा जोश-जाँगर बढ्ने र आर्थिक लाभ हुने योग छ । साझेदारीको काम बन्नेछ । दाम्पत्यसुख बढ्नेछ । शत्रुसित लड्ने सामर्थ्य रहनेछ । आफन्तको सहयोग भने कमै मिल्ने देखिन्छ ।