✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर हेमन्त ऋतु वि.सं. २०८१ मार्गशीर्ष ८ गते तद्अनुसार सन् २०२४ नोभेम्बर २३ तारिख शनिबार मार्गशीर्ष कृष्ण पक्षको अष्टमी तिथि मघा नक्षत्र ऐंद्र योग बालब करण आनन्दादिमा पद्म योग चन्द्रमा सिंह राशिमा भ्रमणशील रहनेछ । काठमाडौंमा सूर्योदय बिहान ६ः३२ मा भयो र सूर्यास्त साँझ १७ः७ मा हुनेछ । अष्टमी व्रत, भैरवाष्टमी, गोरखकाली पूजा, साँझमा भैरवको उत्पत्ति ।

आजको राशिफल

मेष – दिन केही चुनौतीयुक्त रहला । अनावश्यक विषयमा विवादमा फस्नुपर्ने हुनसक्छ, सजग रही व्यवहार गर्नुहोला । बोली र व्यवहारमा धैर्य राख्नुहोला । पेशागत रुपमा समस्या देखिन सक्छ । मुद्दा मामिलामा पर्न सकिएला । अनौठो समाचार पनि सुन्न पाइएला । अनावश्यक डर, वादविवाद हुन सक्ने योग रहेकोले संयमताको दरकार छ । इष्टमित्रको सहयोग प्राप्त हुनेछ ।

वृष – सामाजिक कामबाट प्रशंसा प्राप्त हुनुका साथै मन हर्षित हुने समयछ । अरुबाट प्रशंसा पाउनुहोला । व्यापारमा गरेको लगानी सन्तोषप्रद रहनेछ । कुटुम्बका काममा सघाउनुपर्ने देखिन्छ । प्रेमभाव बढ्नेछ भने आँट वृद्धि होला । पारिवारिक समस्याको समाधान मिल्नेछ । यात्रापरक काम बन्नेछ ।

मिथुन – नजिकका मित्रबाट विशेष सहयोग र सुख प्राप्त हुने समय छ । वैदेशिक क्षेत्रमा गरेको लगानीले फाइदै गर्ने देखिन्छ । ब्यापार-व्यवसायमा पनि नाफा होला । खुसीको खबर प्राप्त हुने योग छ । चल–अचल सम्पत्तिको कारोवार हुन सक्नेछ । वैवाहिक जीवन सुखी रहला । धन मान महत्व बढ्नेछन् । मिठो भोजन प्राप्त हुनेछ । बौद्धिकता र रचनात्मकता बढ्नेछ ।

कर्कट – चुनौतीका बाबजुद नसोचेको काम बन्न सक्ने समय छ । मित्रजनको सहयोग पनि प्राप्त होला । अल्झेका कामहरु अरुको सहयोगमा बन्नेछन् । अप्रत्याशित लाभ हुने देखिन्छ । सुखद यात्राको पनि योग छ । परिश्रमअनुसार उपलब्धि पनि राम्रै पाइएला । रोकिएका काम पुनः सुरु हुन सक्छन् । सुख वृद्धि हुनेछ । आरोग्यता बढ्नेछ ।

सिंह – मिश्रित फलदायी दिन छ । स्वास्थ्य केही कमजोर रहनसक्छ, खानपानमा विशेष सजग रहनुहोला । धनको पनि नाश हुन योग छ । व्यर्थको खर्च हुनसक्छ, खर्च घटाउने प्रयास गर्नुहोला । पीडा दिनेहरु सक्रिय रहलान् । रसरागका क्रियाकलापमा आकर्षण बढ्नेछ । धैर्यले काम लिने समय छ ।

कन्या – नयाँ कामको थालनी हुनसक्ने र आयआर्जनमा राम्रो दिन छ । ठूला व्यक्तिबाट बुद्धिको तारिफ होला । रोकिएका काम बन्नाले आर्थिक पक्ष सबल बन्नेछ । मुद्दा-मामिलामा विजयी भइने योग छ । दिन खुशीसाथ बित्नेछ । यात्रागत कार्यमा सफलता प्राप्त गर्नुहुनेछ । साथीभाइको सहयोग रहनेछ । स्वास्थ्य सबल रहनाले कार्यगति बढ्नेछ ।

तुला – दिन सामन्य नै रहला । निर्माण तथा व्यवहारिक क्षेत्रमा मन लाग्नेछ । आफन्तमिलनले सुख दिनेछ भने आर्थिक क्रियाकलापमा सोचेभन्दा बढी नै लाभ हुने योग छ । पाहुनाको आगमनले मन हर्षित रहला । केही नयाँ काम गर्नको लागि परिवारजनको राम्रो सल्लाह आउने देखिन्छ । आयबल बढ्नेछ । मिठो भोजन प्राप्त हुनेछ ।

वृश्चिक – कर्मबल बढ्नेछ । शुभता बढेर रोकिएको काम बन्ने समय छ । प्रतिस्पर्धाबाट फाइदा उठाउन सकिनेछ भने वैदेशिक क्षेत्रबाट लाभ लिने अवसर जुर्ला । चाहेका कामहरू सजिलै बन्ने योग छ । ब्यापारबाट सामान्य नाफा होला । रमणीय र सुखद यात्राको सम्भावना छ । मन शान्त रहला । हाँसखेल, भ्रमण र मनोरञ्जनका क्रममा दिन बित्नेछ ।

धनु – बन्न लागेको काम बिग्रन गइ मनमा चिन्ता बढ्नसक्ने समय छ । घरेलु समस्याले सताउला । मित्र बनेर धोका दिनेहरु देखापर्लान् । अर्थको पनि हानी हुने योग छ । स्वास्थ्य केही कमजोर रहला । धनमाल हराउनाले मनमा पिडा थपिनसक्छ, सजक रहनुहोला । अरूको भर पर्दा काममा धोका हुन सक्छ । यात्रागत कार्य गर्दैहुनुहुन्छ भने आज थाती राख्नु उचित हुनेछ । रसरागात्मक कार्यमा आकर्षण बढ्नेछ ।

मकर – सानातिना काम र घरेलु समस्यामा अल्झनुपर्ने समय भएपनि नसोचेको धनलाभ हुनसक्ने योग छ । काममा चुनौती सहनुपर्ला । रुपैयापैसाको लेनदेन आज नगर्नु उचित हुनेछ । आमाबाट आएको धनको उपयोगबाट लाभ उठाउन सकिनेछ । विशेया कार्यमा जोखिम र संघर्ष बढ्ला, धैर्यताका साथ लागिपर्नु हितकर होला । शत्रुलाई जित्ने सामर्थ्य बढ्नेछ ।

कुम्भ – रोकिएका काम बन्ने र नयाँ काम सुरु गर्ने समय छ । काम बन्नाले सुखको अनुभव होला । पठनपाठनमा मन जानेछ । घरायसी कामले पनि आनन्द देला । आर्थिक पक्ष आज सन्तोषजनक हुने तथा सोचेअनुरुप कमाइ हुने देखिन्छ । सन्तान पक्षबाट खुशीको समाचार सुन्न पाइएला । दाम्पत्यसुख बढ्नेछ । बौद्धिक र रचनात्मक कार्य पनि बन्नेछ ।

मीन – दिन शुभदायी छ । काममा जोश-जाँगर बढ्ने देखिन्छ, नयाँ कामका योजनाहरु बन्ने सम्भावना छ । आर्थिक लाभको योग छ । कुनै नयाँ कामको थालनी गर्न पनि आजको दिन उपयुक्त छ । व्यापारमा पाउने सफलता यथावत रहने छ । मन मिलेका साथीसंगीसँग भेटघाट हुनसक्छ । साहस बढ्नेछ । आफन्तको साथ मिल्नेछ । सुख विलास पनि बढ्नेछ ।