✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर हेमन्त ऋतु वि.सं. २०८१ मार्गशीर्ष ९ गते तद्अनुसार सन् २०२४ नोभेम्बर २४ तारिख आइतबार मार्गशीर्ष कृष्ण पक्षको नवमी तिथि पूर्वाफाल्गुणी नक्षत्र वैधृति योग तैंतिल करण आनन्दादिमा छत्र योग चन्द्रमा सिंह राशिमा भ्रमणशील रहनेछ । काठमाडौंमा सूर्योदय बिहान ६ः३३ मा भयो र सूर्यास्त साँझ १७ः७ बजे हुनेछ ।

आजको राशिफल

मेष – सानातिना घरायसी काममा समय खर्च हुने देखिन्छ । अनावश्यक रुपमा कसैसँग विवाद वा झैझगडा समेत हुनसक्छ, बोली र व्यवहारमा संयमता अपनाउनु उचित हुनेछ । आजको दिन यात्रामा पनि विशेष सावधान रहनु हितकर होला । लेनदेनको समस्याले सताउने र ब्यापारमा घाटा ब्यहोर्नुपर्ने योग छ । समस्यामा मित्रजन भने सहयोगी बनेर देखापर्लान् । इष्टदेवको आराधना गर्नुहोला ।

वृष – दिन शुभदायी छ । मानप्रतिष्ठा र सामाजिक मर्यादामा अभिवृद्धि हुनेछ भने मित्रहरूले प्रशंसा गर्नेछन् । पढाइलेखाइमा सुधार आउनुका साथै नसोचेको सम्मान मिल्नसक्ने योग छ । इर्ष्या गर्ने वा विरोधिहरूले प्रशंसा गर्न थाल्नेछन् । प्रेमभाव बढ्नेछ । मिठो भोजन प्राप्त होला । परिवारिक सुखले उत्साह बढाउनेछ । आजको दिन लेनदेनको व्यवहार भने नगर्नु हितकर हुनेछ ।

मिथुन – लामो समयदेखि रोकिएका कामहरू बन्नसक्ने समय छ । आकस्मिक निम्तोमा सहभागी हुन पाइएला । हौसला तथा पराक्रम बढ्नुको साथै त्यसै त्यसै मन हर्षित भएर आउनेछ । धनलाभको योग छ । व्यस्तता बढेपनि लाभ नै मिल्नेछ भने यात्रागत कार्य सफल र सार्थक रहनेछ । शत्रुपक्ष परास्त हुने देखिन्छ ।

कर्कट – रुचिका विषयमा लगानी बढाउन सकिने समय छ । व्यापार-व्यवसायमा लाग्नेहरूलाई विशेष फाइदा होला । प्रेमसम्बन्धमा प्रगाढता तथा दाम्पत्यसुखको योग छ । रसरागमा आकर्षण बढ्नेछ । स्वास्थ्यस्थितिमा पनि सुधार आउला । आयआर्जनको नयाँ स्रोत फेलापर्ने सम्भावना छ । सामान्यतया लाभ हुने नै दिन छ ।

सिंह – समष्टिगत रूपमा समय राम्रो भएपनि आज खर्च र विवाद बढ्न सक्छ, सजग रही व्यवहार गर्नु उचित होला । आजको दिन सवारी साधनको प्रयोग, हातहतियारको उपयोग जस्ता कार्यमा विशेष सजगता अपनाउनुपर्नेछ । निको भएको रोगले पुनः सताउन सक्ने देखिन्छ । रसरागको क्रियाकलापमा आकर्षण बढ्ला । खासगरी कलात्मक काममा सफलता मिल्नेछ ।

कन्या – शैक्षिक प्रगतिका लागि अनुकूल समय आएको छ । पठनपाठनमा ध्यान दिनु बेस हुनेछ । विभिन्न अवसरले पछ्याउने देखिन्छ । भविष्यका लागि विशेष काममा जग बसाउने अवसर जुर्ला । वित्तादी लाभको योग छ । प्रेमसम्बन्ध बलियो रहनेछ । अरुको विश्वास वृद्धि हुनाले उचित सहयोग मिल्नेछ । आरोग्यता वृद्धि होला । यात्रागत कार्यमा सफलता मिल्नेछ । आफन्तको साथ प्राप्त हुनेछ ।

तुला – दिन शुभदायी छ । अरुको विश्वास सजिलै जित्न सकिनेछ भने व्यापारबाट राम्रै आम्दानी हुनसक्छ । धन, मान पाउने योग छ, गरेका हरेक कामबाट फाइदा नै हुने देखिन्छ । अनौठो समाचार सुनिने र नसोचेको काम बन्ने योग छ । अर्थलाभका अवसर आउने छन् । तीर्थव्रत तथा देवालय आदिको भ्रमण हुन सक्छ । सामाजिक प्रतिष्ठा पनि बढ्नेछ । साहसिक काममा आकर्षण बढ्नेछ ।

वृश्चिक – फुर्सदिलो अनुभूति हुने समय छ । शुभता बढेर रोकिएको काम बन्नेछ । सामर्थ्य वृद्धि होला । अनुकूल यात्राको सम्भावना छ । प्रयत्न गर्दा मौकाको फाइदा लिन सकिनेछ । रमणीय र सुखद यात्राको योग छ । यात्रागत कार्यमा विशेष लाभ हुनसक्छ । जीवनसाथी र आमाको सल्लाहमा गरिएको काममा सफलता प्राप्त हुनेछ । मिठो भोजन प्राप्त हुनेछ । आरोग्यता रहनेछ । बौद्धिक र रचनात्मक कार्यमा विशेष सफलता प्राप्त हुनेछ ।

धनु – दिन केही चुनौतीयुक्त रहने देखिन्छ । हतारको निर्णयले काम बिग्रन सक्छ, सचेत रहनुहोस् । मान्यजनको सुझाव अप्रिय लाग्नसक्छ । आज आर्थिक संकटको सम्भावना छ भने लेनदेनमा विवाद आउनसक्ने हुँदा आर्थिक कारोबार नगर्नु उचित हुनेछ । घरायसी समस्या आउन सक्छ, सजगता अपनाउनुहोला । पढाइलेखाइमा खास ध्यान नजाने देखिन्छ । चुनौतीका बाबजुद रसरागात्मक काममा आकर्षण बढ्नेछ ।

मकर – गलत विचारहरुले काममा बाधा सिर्जना गर्ने देखिन्छ । नयाँ योजना र दीर्घकालीन योजना बनाउन आजको दिन अनुकूल नहुन सक्छ । अरुको काम धेरै गर्नुपर्ला तर कामले मन जित्न सकिनेछ । नोकरी तथा राजनीतिमा मान सम्मान पाउने योग छ । जागीरबाट सन्तुष्टि मिल्ने देखिन्छ । नियमकानूनले साथ दिनाले दायित्व निर्वाहमा सहजता हुनेछ ।

कुम्भ – समय अनुकुल रहला । सोचविचारकोे शक्ति बढ्ने छ । कुरा काटनेहरु प्रशंसा गर्न थाल्नेछन् । दाम्पत्य सम्बन्ध सुखद रहनेछ । प्रेमको बन्धनमा बाँधिने समय छ । आर्थिक लेनदेनका लागि समय अनुकुल छ । सामाजिक यश, सम्मान र प्रतिष्ठामा वृद्धि हुने योग छ । रोकिएका काम सजिलै सम्पन्न हुनेछन् । मिठो भोजन प्राप्त हुनेछ । आर्थिक विकाससित सम्बन्धित कार्यमा सफलता मिल्नेछ ।

मीन – भाग्यवृद्धिको समय छ । परिश्रमले धेरै काम बन्नेछन् भने आर्थिक आर्जन हुनसक्छ । परोपकार र धार्मिक क्षेत्रमा लगानी गरेमा राम्रो प्रतिफल प्राप्त हुने देखिन्छ । मनोरञ्जनमा भुलिएला । व्यापारबाट रार्मै लाभ मिल्नेछ । साथीभाइले पनि राम्रै सहयोग गर्लान् चर आफन्तजनको सहयोग पाउन मुस्किल पर्ला । साझेदारीको काम बन्नेछ । दाम्पत्यसुख बढ्नेछ ।