✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर हेमन्त ऋतु वि.सं. २०८१ मार्गशीर्ष १४ गते तद्अनुसार सन् २०२४ नोभेम्बर २९ तारिख शुक्रबार मार्गशीर्ष कृष्ण पक्षको त्रयोदशी तिथि ८ः१५ पर चतुर्दशी तिथि स्वाती नक्षत्र १०ः४८ पर विशाखा नक्षत्र शोभन योग भद्रा करण आनन्दादिमा गद योग चन्द्रमा तुला राशिमा भ्रमणशील रहनेछ । काठमाडौंमा सूर्योदय बिहान ६ः३७ मा भयो र सूर्यास्त साँझ १७ः६ मा हुनेछ । पशुपतिनाथ मेला, त्रिवेणीहरुमा मेला, बालाचह्रे पूजा ।

आजको राशिफल

मेष – सहयोगीहरूले साथ दिनेछन् र काममा सोचेजस्तै सफलता मिल्ने समय छ । ठूलाबडाको आशीर्वादले रोकिएको काम बन्नसक्छ । आर्थिक लाभ प्राप्त होला । कृषिकर्म र व्यावसायिक काममा भने केही चुनौतीको सामना गर्नुपर्ने योग छ । इर्ष्यालुजनसँग दूरी बनाएकै राम्रो । आफ्ना योजना गोप्य राखेर अघि बढ्दा फाइदा हुनेछ । चुनौती चिर्दै काम सम्पादन गर्न सकिनेछ । दामपत्यसुखको योग छ ।

वृष – पारिवारिक समस्याको समाधान मिल्ने समय छ । मातापिता, मान्यजन वा विशिष्ट व्यक्तिसँग विवादको सम्भावना भएपनि रोकिएका काम सम्पादन हुनेछन् । परोपकार र धार्मिक क्षेत्रको लगानी यशवर्द्धक एवम् फलदायी रहला । सवारी साधनको प्रयोगमा आजको दिन विशेष सजगता अपनाउनु हितकर होला । बौद्धिक क्षेत्रको काममा यात्राको सम्भावना छ । आरोग्यता रहनेछ ।

मिथुन – सामाजिक उत्तरदायित्व बहन गर्ने समय छ । अधिकारप्राप्तिका लागि गरिएको प्रतिस्पर्धामा विजयी भइएला । कतै लामो दूरीको लाभदायी यात्रा गर्नुछ भने आज राम्रो छ । शत्रुहरूको चलखेल बढे पनि तिनले हानी गर्न सक्ने छैनन् । प्रेमभाव वृद्धि हुनेछ । बौद्धिकता र रचनात्मकता बढ्नेछ । मान पुरस्कार प्राप्त हुने योग छ ।

कर्कट – समय खासै बलियो नभएपनि तपाईंको परिश्रमको राम्रै प्रतिफल प्राप्त हुने देखिन्छ । आफूभन्दा वरिष्ठ व्यक्तित्व अथवा पर्यवेक्षकका साथमा सुमधुर सम्बन्ध रहनेछ, जसबाट लाभ नै प्राप्त होला । बन्दव्यापारबाट फाइदा हुनेछ । गहना, कपडा वा धातुको कुनै वस्तु खरिद गर्दा राम्ररी मोलतोल गर्नु उचित होला । आरोग्यता रहनेछ । साथीभाइको सहयोग प्राप्त हुनेछ । रसरागमा आकर्षण बढ्नेछ ।

सिंह – नोकरी तथा व्यवसायसँग सम्बद्ध कार्यमा कुनै ठोस परिणाम देखापर्ने समय छ । चुनौती र अपठ्यारा हटाउन आज गरिएको प्रयास सफल रहला । हाकिम, मातापिता वा विशिष्ट व्यक्तिको विचारले प्रभावित तुल्याउन सक्छ । रमाइलो यात्राको सम्भावना छ र त्यसबाट दीर्घकालिक फाइदा पुग्न सक्छ । विशेष योजना गोप्य राखेर अघि बढ्नुहोला । पराक्रम वृद्धि हुनुका साथै रसरागका कार्यक्रममा आकर्षण रहला ।

कन्या – नयाँ काम र जिम्मेवारी हातपर्ने समय छ । परिवारमा पाहुनाको चाप बढ्न सक्छ र तिनको आवागमनमा महत्वपूर्ण समयको गुज्रने सम्भावना छ । पढाइलेखाइमा राम्रै प्रगति होला । स्वास्थ्यमा सामान्य समस्या देखापर्न सक्छ, सजग रहनुहोला । समयको गतिलाई पछ्याउन प्रयत्न गरे आर्थिक दृष्टिले लाभकारी होला । गुरुजनको सहयोग र बुद्धिको उपयोगले लक्ष्य पहिल्याउन सकिनेछ । आफन्तजन सहयोगी रहलान् ।

तुला – सानातिना काम र घरेलु व्यवहारमै आजको समय व्यतीत भएपनि राम्रै लाभ प्राप्त हुने समय छ । हाँसखेल र मनोरञ्जनको अवस्था रहला । पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाइएला । अप्ठ्यारो परिस्थितिमा पनि महत्वपूर्ण काम बन्न सक्छन् । आरोग्यता रहनेछ । मिठो भोजन प्राप्त हुनेछ । रसरागमा आकर्षण बढ्नेछ ।

वृश्चिक – न्यायिक, कानुनी वा प्रतियोगितात्मक क्रियाकलापमा विजय प्राप्त हुने समय छ । आर्थिक पक्ष सुदृढ रहला । महत्वपूर्ण योजनामा अघि बढ्न मनमा दोधारको अवस्था सिर्जना हुनसक्छ, ध्यान राख्नुहोला । यात्रागत कार्य सोचेजस्तो रमाइलो नहुन सक्छ । सबल स्वास्थ्यका लागि खानपानमा नियन्त्रण गर्नुहोला । खर्च वृद्धि हुनसकने योग रहेकोले नियन्त्रणको प्रयत्न गर्नु उचित हुनेछ ।

धनु – टाढाको यात्रा गर्नुपर्ने अवस्था आउनसक्छ, तर आजको दिन अनावश्यक यात्राबाट सकभर जोगिनु हितकर रहला । पारिवारिक सहयोग प्राप्त हुनेछ । कामधन्दा र व्यवसायको चापले गर्दा मित्रमिलन एवम् दाम्पत्य सम्बन्धमा सामान्य चिसोपन देखिन सक्छ । कर्मबल बढ्नेछ । आयवृद्धिको योग छ । बौद्धिक र रचनात्मक कार्य काम बन्नेछ ।

मकर – बोलीको विपरीत अर्थ लाग्न सक्ने तथा कल्पना र भावनामा केन्दित भइने समय रहेकोले बोली र व्यवहारलाई नियन्त्रणमा राख्नु उचित होला । नचिताएको स्थानबाट धनागमनको योग छ । परिणाममुखी काममा लगानी गर्न सकिनेछ । शरीर फूर्तिलो भएको महसुस होला । शत्रुलाई जित्ने सामर्थ्य बढ्नेछ । खेलकूद, भ्रमण जस्ता क्रियाकलापमा आकर्षण रहनेछ ।

कुम्भ – प्रतिस्पर्धी परास्त हुनुका साथै आम्दानी बढ्ने समय छ । पारिवारिक वातावरण तपाईंको अनुकूल नरहे पनि पराक्रम र उत्साह बढ्नेछ । उद्योग तथा व्यापारमा विशेष फाइदाको योग छ । स्वास्थ्य सबल रहनेछ । आफन्तको साथ मिल्नेछ । सुख सुविधाको वस्तु बढ्नेछन् । मिठो भोजन प्राप्तिका साथै सुख विलासको अवस्था रहने देखिन्छ ।

मीन – आजको दिन चुनौतीका बाबजुद नसोचेको काम बन्न सक्छ, धैर्यपूर्वक काम लिने प्रयत्न गर्नुहोला । पशुपालन तथा कृषि क्षेत्रबाट राम्रै लाभ मिल्ने योग छ । पढाइलेखाइमा प्रगति होला । बौद्धिक प्रतिस्पर्धामा विजयी भइनेछ छ । जीवनसाथी, सन्तति वा विपरीतलिङ्गी साथीसँग सम्बन्ध आत्मीय बन्ने देखिन्छ । रसरागमा आकर्षण रहला । साझेदारीको काम पनि बन्नेछ । शत्रुसित लड्ने सामर्थ्य वृद्धि हुनेछ ।