प्रतिनिधिसभा पुनर्स्थापनाको पक्षमा अग्रपंक्तिमा रही वकालत गर्दै आएको नेकपा (एमाले) आगामी फागुन २१ का लागि तय गरिएको निर्वाचनका लागि पनि उत्तिकै तम्तयार देखिएको छ । एमालेले काठमाडौंबाट चुनावी अभियान सुरु गर्ने भएको छ ।

एमालेको बागमती प्रदेश कमिटीले आगामी माघ ४ गते काठमाडौंमा जनप्रदर्शनसहित विशेष चुनावी अभियानको थालनी गर्न लागेको सो पार्टीका सचिव एवं प्रदेशका इञ्चार्ज महेश बस्नेतले जानकारी दिएका छन् ।

यस्तै, एमालेको संशोसधत विधानअनुसार गठित राजधानी विशेष कमिटीको घोषणा र चुनावी अभियान आगामी माघ २ गते काठमाडौंमा हुने पार्टीका सचिव एवं राजधानी विशेष कमिटीका इञ्चार्ज डा. राजन भट्टराईले बताए ।

एमालेको यही पुस २६ गते बसेको केन्द्रीय कमिटीको बैठकले प्रतिनिधिसभा सदस्य निर्वाचनका लागि देशव्यापी रूपमा अभियान सुरु गर्ने निर्णय गरेको थियो ।