हिमाली जिल्ला मनाङको नारफू गाउँपालिकाको मेतामा १० लाख लुटेर स्थानियको अपहरण गर्ने गुण्डा नाइके राजीव गुरुङ (दीपक मनाङे) र उनी संलग्न पार्टी नेकपा एमाले बिरुद्ध प्रदर्शन गरिएको छ । शान्त जिल्ला मनाङमा आतंक बढेको भन्दै नागरिकहरुले सुरक्षाको माग गर्दै सदरमुकाममा प्रदर्शन गरेका हुन् ।

मनाङेले एमालेको चुनाव प्रचार गर्न नार फू गाउँपालिका पुगेका बेला स्थानिय होटल ब्यवसायीसँग रकम लुटेका हुन् । रकमसँगै मनाङे समुहले रातको ११ बजे ब्यक्तिको अपहरण गरेर नार पु¥याएका थिए । एमाले मनाङले मनाङेलाई प्रदेशतर्फ मनाङ– ख को प्रत्यक्षतर्फ उम्मेद्वार सिफारिस गरेपछि चुनावी प्रचारमा आए लगत्तै उनले जिल्लामा त्रासको वातावरण बनाउन थालेका छन् । मनाङगेको समुहले मनाङको नारफूमा स्थानीयलाई चुट्ने र १० लाख रकम लुटेको घटना सार्वजनिक भए लगत्तै विभिन्न ठाउँका स्थानियलाई हात काटिदिने सम्मको धम्की दिएको जानकारी प्राप्त भएको छ ।

मनाङगेले माथिल्लो मनाङमा मजदुरी गर्दै आएका गोरखालीहरुलाई चुनावमा आफुलाई भोट नहाले हात काटीदिने धम्की दिएका छन्। उनले मत नदिने आफन्तहरुलाई छुट गरेर औंला मात्र काटिदिने र मत नदिने आफन्त नपर्नेहरुलाई हात छिनाउने धम्की दिएका छन् । मनाङगेले अपहरण गर्ने हात काटिदिने कुटपिट गर्न थालेपछि स्थानियहरु आतंकित भएका छन् । स्थानिय प्रसासन भने उनको खातिरदारीमा लागेको गुनासो स्थानिय पिडितहरु बताउँछन् ।

नेपाली काँग्रेसले जिल्लामा गुण्डाराज मौलाउन थालेको भन्दै प्रशासनलाई दवाव दिन प्रदर्शनको गरेको छ । शान्त जिल्लामा चन्दा आतंक र गुण्डागर्दी बढाएको बारेमा स्थानिय नेताहरुले काठमाडौंमा गृह प्रशासनलाई समेत जानकारी गराएका छन् । तर प्रमुख जिल्ला अधिकारी र प्रहरी प्रमुखले गम्भिरता नदेखाउँदा समस्या सिर्जना भएको पिडितहरुको गुनासो छ ।