अजरबैजानको राजधानी बाकुमा रहेको लागु औषध दुर्ब्यसनी सुधार केन्द्रमा शुक्रबार भएको आगलागीमा परी २५ जनाको मृत्यु भएको छ । आगलागी नियन्त्रण गर्न र आगलागीमा परेकाहरुलाई उद्धार गर्न उद्धारकर्ताहरुलाई तीन घण्टा लागेको एजेन्सीहरुले जनाएका छन् । स्थानीय समय अनुसार विहान ६ः१० मा आगलागी भएको थियो ।
जलेर गम्भीर घाइते भएकामध्ये चार जनालाई अस्पताल भर्ना गरिएको छ भने घटनाका बारेमा छानविन गरेर दोषीलाई कारबाही गर्न सिफारिस गर्न राष्ट्रपति इल्हाम अलियेभीले एक सरकारी आयोग गठन गरेका छन् । उनले मृतकका परिवारजनलाई केही आर्थिक राहतको व्यवस्था गर्न पनि निर्देशन दिएको समाचारमा जनाइएको छ ।
प्रतिक्रिया