सरकारले सार्वजनिक गरेको आर्थिक वर्ष २०७५–७६ को बजेटबारे आफ्नो धारणा सार्वजनिक गर्न नेपाली काङ्ग्रेसको बैठक शुरु भएको छ ।

मंगलबार १३ खर्ब १५ अर्ब १६ करोड १७ लाखको बजेट अर्थमन्त्री युवराज खतिवडाले संसद्मा प्रस्तुत गरेका थिए । बजेटबारे अनेकखाले टिप्पणी आइरहेका बेला प्रमुख प्रतीपक्षी काङ्गै्सले यसबारे साझा धारणा बनाउन बुधबारका लागि बैठक बोलाएको थियो।

यसअघि सरकारले प्रस्तुत गरेको नीति तथा कार्यक्रममा भने कांग्रेसले मौन समर्थन जनाएको थियो । पार्टीभित्रैका कतिपय नेताले यसप्रति असन्तुष्टि जनाउँदै काग्रेस सांसद्हरूले संसदमा खेलेको भूमिकाप्रति प्रश्न उठाएका थिए । बजेटबारे भने कांग्रेसले शुरूमै असन्तुष्टि जनाइसकेको छ । कांग्रेस सभापति एवं पार्टी संसदीय दलका नेता शेरबहादुर देउवाले यसबारे प्रारम्भिक प्रतिक्रिया दिँदै बोझ बोकाउने हावादारी कार्यक्रमको पुलिन्दा भनेका थिए ।