म्याग्दीमा घरजग्गा कारोबारबाट आर्थिक वर्ष ०७४–७५ मा दुई करोड २८ लाख ३९ हजार रुपैयाँ राजस्व संकलन भएको छ ।
जिल्ला मालपोत कार्यालयका अधिकृत मुकुन्द पौडेलका अनुसार गत आवमा ग्रामीण क्षेत्रमा एक हजार १ सय ८४ र शहरी क्षेत्रमा एक हजार ७९ घरजग्गाको लिखत पास भएको थियो । आव ०७३–७४ मा एक हजार ९ सय ८ रजिस्टे«सन पास हुँदा एक करोड ६४ लाख ५९ हजार रुपैयाँ राजस्व संकलन भएको थियो । आव ०७२–७३ मा दुई हजार २५२ रजिस्टे«सन पास हुँदा एक करोड ७७ लाख २५ हजार रुपैयाँ राजस्व उठेको थियो ।
राजनीतिक स्थिरता, संघीयताको कार्यान्वयन, मुआब्जा वितरणलगायत कारणले गत आवमा घरजग्गाको कारोबार बढेको पौडेलले बताए । गत आवमा एक करोड ८३ लाख ४२ हजार रुपैयाँ राजस्व संकलनको लक्ष्य राखिएको थियो । लक्ष्य गरेभन्दा ११७ प्रतिशत बढी राजस्व संकलन भएको अधिकृत पौडेलले बताए ।
प्रतिक्रिया