काठमाडौंको बाँसबारीस्थित न्युरो अस्पतालका संस्थापक स्व. उपेन्द्र देवकोटाको ४५औँ दिनको पुन्यतिथिका अवसरमा आज बिहीबार अस्पतालले ओपीडी सेवा निःशुल्क गरेको जनाएको छ ।

अस्पतालले अन्य सम्पूर्ण सेवामा पनि २५ प्रतिशत छुट दिने जनाएको छ ।

न्यूरो अस्पतालका संस्थापक डा. देवकोटाको उपचारका क्रममा सोही अस्पतालमा गत असार ४ गते निधन भएको थियो । डा. देवकोटा पित्तथैलीको क्यान्सरबाट पीडित थिए ।

डा. देवकोटा गत निर्वाचनका बेला एक्कासि बिरामी भएपछि लामो समय बेलायतमा उपचार गराएका थिए । त्यहाँ उपचार सम्भव नभएपछि उनी नेपाल फर्किएका थिए ।