विवेकशील साझा पार्टीको केन्द्रीय समितिको बैठकले पार्टी संयोजक रवीन्द्र मिश्रका पिता मनुजबाबु मिश्रको असामयिक निधनमा शोक प्रकट गर्दै दिवंगत आत्माको चिरशान्तिको कामना गरेको छ । पार्टीको आज (बिहीबार) बसेको केन्द्रीय समितिको बैठकले स्व. मनुजबाबुको सम्झनामा एक मिनेट मौनधारणा गरी शोकप्रस्ताव पारित गरेको छ ।

वरिष्ठ चित्रकार एवं लेखक मिश्रको बुधबार बौद्ध महांकालस्थित आफ्नै निवासमा ८२ वर्षको उमेरमा निधन भएको थियो । पार्टीद्वारा जारी विज्ञप्तिमा दृढनिश्चयी र स्वाभिमानी व्यक्तित्वका धनी मिश्रको निधनले नेपालको चित्रकारिता र लेखनको क्षेत्रमा अपूरणीय क्षति पुगेको जनाइएको छ ।

स्व. मिश्रका धर्मपत्नी रमला, दुई छोरी (निर्मला आचार्य र डा. मञ्जु मिश्र) र दुई छोरा (रवीन्द्र र रोशन) छन् ।