किङ्स लाउञ्जले पोखरामा पनि आफ्नो सेवा विस्तार गर्ने भएको छ । स्थापनाको पहिलो वर्ष पुरा गरेको उपलक्ष्यमा आगामी बैशाख १ देखि पोखराको लेकसाईडमा पारिवारिक वातावरणमा आधुनीक लाउञ्ज सञ्चालनमा ल्याउन लागिएको हो ।

पहिलो वर्षको समाप्तिसँगै पहिलो शाखाका रुपमा पोखराबाट सेवा सुरु आरम्भ गर्न लागिएको भन्दै किङ्स लाउञ्जका अध्यक्ष रामचन्द्र श्रेष्ठले बताए । उनले आगामी दिनमा अझै प्रभावकारी सेवा दिने प्रतिबद्धता जनाएका छन् । काठमाण्डौंको दरबारमार्गबाट उपलब्ध गराउँदै आएका सेवालाई अझै परिष्कृत रुपमा पोखराका सेवाग्राहीलाई सेवा दिने लाउञ्जका अध्यक्ष श्रेष्ठको भनाई छ ।

काठमाण्डौंको दरबारमार्गमा अवस्थित किङ्स लाउन्जले ग्राहकहरुको चाहनालाई मध्यनजर गर्दै सेवा विस्तारलाई तिब्र पारेको श्रेष्ठको भनाई छ । यसैगरी प्रेम दिवसको दिन आज मंगोलियन हर्टले दरबारमार्गस्थित किङ्स लाउञ्जमा प्रस्तुती दिने भएको छ । मंगोलियन हर्टका राजु लामाले व्याण्डको सिरिज कन्सर्ट अन्तरगत किङ्स लाउन्ज दरबार मार्गमा सांगितिक प्रस्तुती दिन लागेका हुन् । प्रेम दिवशका दिन साँझ ६ बजेदेखि लामाले आफ्नो व्याण्डको साथमा सांगितिक प्रस्तुती दिने छन् ।

छोटो समयमा आफुलाई देशकै नमूना रेष्टुरेण्ट बनाउन सफल भएको दाबी लाउञ्ज व्यवस्थापनको छ । नयाँ तथा पुराना संगीतहरुले भरपुर मनोरञ्जन दिनुका साथै आफु स्वयमले पनि गाउन सक्ने, शान्त पारिवारिक वातावरण भएको, परिवारका सम्पुर्ण सदस्यले एकैसाथ मनोरन्जन लिन सक्ने, ग्राहकहरुलाई लाउन्जको सवारी साधनबाट घरसम्म निःशुल्क पुर्याई दिने ब्यवस्था लाउञ्जले गरेको छ ।

लाउञ्जले दिउँसोको समयमा आउने ग्राहकलाई २५ प्रतिशत छुट दिने व्यवस्था मिलाएको छ । लाउञ्जले विहान ११ बजेदेखि राती साढे १२ बजेसम्म सेवा दिँदै आएको छ ।