जनता बैंक नेपाल लिमिटेडले पाल्पा जिल्लामा एकसाथ नयाँ एक्स्टेन्सन काउन्टरबाट कारोबार आरम्भ गर्नुका साथै एक सीमित्त बैंकिङ इकाईलाई शाखामा रुपान्तरण गरिएको छ ।

पाल्पा जिल्ला रम्भा गाउँपालिका–३, खोक्खोलामा खोलिएको नयाँ एक्स्टेन्सन काउन्टरबाट बैंकिङ कारोबार सुरु गरिएको सो बैंकले जनाएको छ । सोही गाउँपालिकाको तनहुँमा रहेको ताँहु शाखामातहत रहने एक्स्टेन्सन काउण्टरबाट रम्भा गाउँपालिकाको राजस्वको कारोबार गरिने र सो क्षेत्रका उद्यमी, ब्यापारी तथा सर्वसाधारणले समेत उक्त काउन्टरबाट बैंकिङ सेवा लिन सक्ने बताइएको छ ।

सो काउण्टरका साथै बंैकको मेचीदेखि महाकालीसम्म सातवटै प्रदेशको तराई, पहाडी र हिमाली जिल्ला समेत समेटिने गरी १२८ शाखा, ५० शाखारहित बैकिङ केन्द्र, ७९ एटीएम, एक सीमित्त बैंकिङ इकाई र तीन एक्स्टेन्सन काउन्टर सञ्चालनमा रहेका छन् । बैंकले आगामी दिनमा आफ्नो शाखा सञ्जाल बिस्तार गर्दै देशभर नै सशक्त उपस्थिति जनाउने योजना रहेको जनाएको छ ।