क्रोएसियामा हुने आईएसएफ विश्व विद्यालय यू–१५ भलिबल च्याम्पियनसिपमा सहभागी हुने न्यू डायमन्ड एकेडेमीका नौ खेलाडीसहित १४ सदस्यीय टोलीलाई चैत १३ गते बुधबार एक कार्यक्रमबीच बिदाइ गरियो ।

मार्च ३० देखि अप्रिल ६ तारिखसम्म हुने प्रतियोगितामा सोनी थपलिया, करिना सुनुवार, सविना तामाङ, दिया परियार, जोया गुरुङ, सजिना श्रेष्ठ, रिया कुँवर, प्रेक्षा राई र सुनिता खड्काले प्रतिस्पर्धा गर्नेछन् । टोली नेतामा नेपाल विद्यालय खेलकुद महासंघका महासचिव राजकुमार कार्की, प्रशिक्षकमा कुमार राई, निर्णायकमा चन्द्रबन्दना राई तथा अफिसियलमा मोहनकुमार कार्की र सुनकेशरी माली रहेका छन् ।

टोलीलाई पूर्वउपप्रधानमन्त्री नारायणकाजी श्रेष्ठ, मदन भण्डारी स्पोर्टस् एकेडेमी एवं विद्यालय खेलकुद महासंघका अध्यक्ष विनोद श्रेष्ठलगायतले बिदाइ गरे । टोली चैत १५ गते शुक्रबार क्रोएसिया प्रस्थान गर्दै छ ।