माताको मुख हेर्ने दिनको अवसर पारेर नेपाल निजामती कर्मचारी सङ्गठनले नेपालको सबैभन्दा ज्येष्ठ नागरिक ११७ वर्षीया नुवाकोटकी बाटुली लामिछानेलाई अभिनन्दन गरेको छ ।

आज (शनिबार) आयोजित कार्यक्रममा नुवाकोटको ककनी गाउँपालिका प्रमुख मानबहादुर लामाले लामिछाने जीवित इतिहास भएको उल्लेख गर्दै पालिकाको तर्फबाट मासिक १० हजार र व्यक्तिगत तर्फबाट पाँच सय उपलब्ध गराउने घोषणा गर्नुभयो ।

सङ्गठनका अध्यक्ष केदारप्रसाद देवकोटाले लामिछानेलाई नेपाल सरकारबाट ज्येष्ठ नागरिक सम्मान दिलाउन र ‘गिनिज बुक अफ वर्ल्ड रेकर्ड’ मा नाम लेखाउन पहल गर्ने बताउनुभयो ।

सिन्धुपाल्चोकको बाँसबारी गाविस वडा नं १, गिरानचौरमा देवीकुमारी तिवारी र जयनारायण तिवारीको कोखबाट विसं १९५९ चैत्र १० गते जन्मनुभएका लामिछाने हाल साविक ककनी गाविस वडा नं ८ मा बस्दै आउनुभएको छ ।

rss