■ अनन्तश्री राजगुरु तथा जगतगुरु वीरेन्द्र परंहंस ज्योतिषाचार्य

साताको (३२ जेठ–०६ असार) विशेष चाड पर्व :

शनिबार– ज्येष्ठ नागरिकमा दुर्व्यवहारविरुद्धको दिवस । आईतबार– पूर्णिमा व्रत, आषाढसंक्रान्ति । सोमबार– मष्टपूर्णिमा, ज्यापुन्ही, लामो दिनसम्बद्ध पूर्णिमा, गैडूपूजा, पनौतिनगरे भैरव भद्रकाली इन्द्रेश्वरयात्रा । विहीबार– शरणार्थी दिवस । शुक्रबार– लामो दिन, योग दिवस, संगीत दिवस ।

साताको राशि फल :

मेष राशि – शनि र आईतबारतिर हांसविलासमा रुचि बढ्नेछ । लगानी बढ्नेछ । खेलकूद भ्रमणमा आकर्षण बढ्नेछ । ऋण रोग र शत्रुप्रति ध्यान राख्नुपर्ला । सोमबार, मंगलबार र बुधबारतिर मान महत्व बढ्नेछ । आयस्रोत बढ्ला । सुख शान्ति समृद्धि बढ्ला । बौद्धिक र रचनात्मक कार्यमा सफलता प्राप्त होला । सफलता मिल्नेछ । शारीरिक र आर्थिक बल वृद्धि होला । सुख–आनन्दमा पनि रुचि बढ्ला । यात्रा होला । रसरागमा प्रबृति बढ्ला । बोली र व्यक्तित्वको प्रभाव बलियो बन्ला । आर्थिक पक्ष सबल हुनुको साथै वार्तामा सफलता मिल्नेछ । भोज–भतेरमा सहभागी हुनुसँगै मान पुरस्कार पनि मिल्नेछ । बिहीबार र शुक्रबार सुखशान्ति समृद्धि र आनन्द बढ्नेछ । ऋण रोग र शत्रुलाई जित्ने सामर्थ्य बढ्नेछ र देखापरेको समस्याको समाधान मिल्नेछ । मिठो भोजन मिल्नेछ । रसरागमा आकर्षण बढ्ला ।

बृष राशि – साताको प्रारम्भिक दिनमा धन बढ्ला । आशा उत्साह बढ्ला । दोस्रो दिन लाभदायक र अन्नधनवर्द्धक रहनेछ । मान महत्व बढ्ला । लगानी उठ्नेछ । रोकिएको काम बनाउन र आर्थिक पक्षसित सम्बन्धित काम बन्नेछ । दूरदेशबाट शुभ समाचार मिल्नेछ । आँट साहस पराक्रम बढ्नेछ । विवाद आदिप्रति सचेत रहनु हितकर होला । तेस्रो, चतुर्थ, पाँचौं दिनमा घुमफिर गर्नुहुनेछ । हांसविलासमा आकर्षण बढ्नुको साथै सुख–सुविधाको वस्तु बढ्नेछ । सम्पत्ति बढ्नुको साथै साझेदारीको काम बन्नेछ । आरोग्यता बढ्ला । मिठो भोजन खान पाउनुहुनेछ । साहसिक र यात्रापरक कार्यमा प्रवृत्ति बढ्ला । शुभ काममा सफलता मिल्नेछ । मान महत्व सुख सम्पति बढ्नेछ । मिठो भोजन मिल्नेछ । रोगबाट छुटकारा मिल्नेछ । सुख सन्तति बढ्नेछ । प्रेममा सफलता मिल्नेछ । बौद्धिक र रचनात्मक कार्य बन्नेछ । छैठौं र सातौं दिनमा विकासको नयाँ सम्भावना देखापर्ला । ऋण रोग र शत्रुसित लड्ने क्षमता बढ्ला ।

मिथुन राशि – साताको प्रारम्भिक दिनमा अन्नधन वृद्धि होला । त्यसपछिका दुई दिनमा रोकिएको काम बन्नुको साथै नयाँ कार्यमा पनि सफलता मिल्नेछ । उन्नति–पदोन्नति हुनेछ । प्रेमको क्षेत्रसित सम्बन्धित कार्यमा सफलता मिल्नुसँगै मित्रवर्गको पनि सहयोग मिल्नेछ । भएको दायित्वलाई पूरा गर्नुसँगै नयाँ दायित्व पनि प्राप्ति होला । बौद्धिक र रचनात्मक कार्य बन्नेछ । ऋण रोग र शत्रुसित लड्ने क्षमता बढ्नेछ । चौंथो र पाँचौं दिनमा आर्थिक प्रगति होला । आय बढ्ला । रोकिएको धन उठ्नेछ । कार्यव्यपारमा बढोतरी हुनेछ । यात्रा होला । आशा उत्साह बढ्ला । हांसविलासमा आकर्षण बढ्नेछ । धनको लगानीप्रति सचेत रहनुपर्नेछ । लापर्वाही नगरी योजना बनाइ काम गर्नु उचित रहनेछ, तथापि आरोग्यता र धन सम्पत्ति बढ्नेछ । मनोकूलको काम होला । छैठौं र सातौं दिनमा जोखिममा नपर्नु हितकर हुनेछ ।

कर्कट राशि – साताको प्रारम्भिक दिन शुभ रहला । दोस्रो र तेस्रो दिनमा अन्नधन बढ्नेछ । चौंथो र पाँचौं दिन शुभ र सफलतादायक रहनेछन् । मिठो भोजन मिल्नेछ । आरोग्यता बढ्ला । भाग्योदय होला । यात्रामा सफलता पाउनुहुनेछ । धर्म–कर्ममा आकर्षण बढ्नेछ । ख्याति फैलिनेछ । कार्यमा सफलता प्राप्त होला । बौद्धिक र रचनात्मक पक्षसित सम्बन्धित काम बन्नेछ । सुख–समृद्धि बढ्नेछ । उन्नति–पदोन्नति हुनेछ । यश बर्चश्वमा वृद्धि हुनेछ । इष्टमित्रको सहयोग प्राप्त होला । छैठौं र सातौं दिनमा आयस्रोत बढ्ला । ऋण रोग र शत्रुमाथि विजय प्राप्त होला । धन मान सुख समृद्धि बढ्नेछ । रोकिएको काम बन्नुसंगै उधारो लगानी लगाइएको धन उठ्नेछ । विवाद आदिमा नपर्नु हितकर होला ।

सिंह राशि – साताको प्रारम्भिक र दोस्रो दिनमा यात्रा होला । खर्च बढ्ला । रसरागमा आकर्षण बढ्नेछ । तेस्रो र चौंथो र पाँचौं दिनमा शुभ र भाग्यवर्द्धक काम बन्नेछ । मान पुरस्कार पाउनुहुनेछ । धर्मकर्ममा प्रवृत्त रहनुहुनेछ । मान पुरस्कार प्राप्त होला । आय वृद्धि होला । लगानी उठ्नेछ । यात्रा होला । आशा उत्साह बढ्नेछ । धन सम्पत्ति प्राप्ति हुने सम्भावना रहनेछ । सुख सुविधा बढ्नेछ । छैठौं दिनमा कर्म पथमा अग्रसरता बढ्ला । नयाँ सफलता मिल्नेछ । आफन्तको सहयोग समर्थन मिल्नेछ । उन्नति–पदोन्नति हुनेछ । प्रेममा सफलता मिल्नेछ । इष्टमित्र र सन्तानको सुख मिल्नेछ । वार्तामा सफलता मिल्नेछ । मान पुरस्कार प्राप्त होला । मिठो भोजन मिल्नेछ । सातौं दिनमा आँट उत्साह बढ्ला ।

कन्या राशि – साताको प्रारम्भि र दोस्रो दिनमा अन्नधन बढ्नेछ । त्यसपछिका दुई दिन खर्चवर्द्धक रहला । पाँचौं र छैठौं दिन शुभ र सफलताकारक रहनेछन् । साझेदारीसित सम्बन्धित काम बन्नेछ । रोकिएको काम बन्नेछ । सुख सम्पति बढ्ला । मिठो भोजन मिल्नेछ र आरोग्यता बढ्ला । भाग्यवर्द्धक काम बन्नेछ । यात्रा होला । ख्याति फैलिनेछ । धर्मकर्ममा आकर्षण बढ्नेछ । बौद्धिक र रचनात्मक कार्य बन्नेछ । प्रेममा सफलता प्राप्त होला । सातौं दिनमा अन्नधन बढ्ला । मान महत्व बढ्नेछ ।

तुला राशि – साताको आरम्भिक दिनमा सुख–समृद्धि बढ्नेछ । खेलकूद र भ्रमणमा आकर्षण बढ्नेछ । रसरागमा आकर्षण बढ्ला । उन्नति–पदोन्नति हुनेछ । आईतबार, सोमबार आयस्रोत बढ्ला । लगानी उठ्ला । मंगलबार र बुधबार धन यश मान महत्ववर्द्धक रहनेछन् । आरोग्यता बढ्ला । यश बर्चश्व बढ्नेछ । सुख–सम्पति बढ्नेछ । रोकिएको काम बन्नुको साथै नयाँ कार्यमा सफलता पनि मिल्नेछ । मिठो भोजन मिल्नेछ र कार्यव्यापारमा उन्नति हुनेछ । बिहीबार र शुक्रबारको अरुको भरमा बस्नु र विवादमा पर्नु उचित हुनेछैन ।

वृश्चिक राशि – साताको प्रथम दिनमा शुभता बढ्ला । दोस्रो र तेस्रो दिनमा सुख शान्ति समृद्धि बढ्नेछ । चौंथो र पांचौं दिनमा आरोग्यता बढ्नेछ । विजयश्री मिल्नेछ । ऋण रोग र शत्रुसित लड्ने प्रतिरोधात्मक क्षमता बढ्नेछ । सुख समृद्धि बढ्नेछ । साझेदारीको कार्य बन्ला । उन्नति–पदोन्नति हुनेछ । मिठो भोजन मिल्नेछ । कार्यव्यापारमा सफलता मिल्नेछ । ख्याति फैलिनेछ । छैठौं र सातौं दिनमा सुख समृद्धि बढ्नेछ । यात्रा होला । आशा उत्साह बढ्नेछ ।

धनु राशि – साताको प्रारम्भिक र दोस्रो दिनमा देखापरेको समस्याको समाधान मिल्नेछ तथापि जोखिममा पर्नु र लापर्वाही गर्नु उचित हुनेछैन । तेस्रो दिनमा आयस्रोत बढ्ला । इष्टमित्र प्रेमपात्र र सन्तानको साथ मिल्ला । लगानी उठ्नेछ । सुख–शान्ति बढ्नेछ । अरुमाथि बढि भर नपरी आफ्नै बल–विवेकले काम गर्नु उचित रहला । धन मान बढ्नेछ । आशा उत्साह बढ्ला । चौंथो र पाँचौं दिनमा पारिवारिक सुख शान्ति बढ्नुसंगै इष्टमितत्रसित पनि राम्रो रहनेछ । कला, साहित्य, गीतसंगीत, बौद्धिक, रचनात्मक आदिसित सम्बन्धित काममा सफलता मिल्नेछ । प्रेमपात्रसित भेटघाट होला । धर्मकर्म र भ्रमणमा आकर्षण बढ्ला । छैठौं र सातौं दिनमा अन्नधनमा वृद्धि होला ।

मकर राशि – साताको शुरुको र दोस्रो दिनमा सुख सम्पति बढ्ला । रसरागमा आकर्षण बढ्नेछ । तेस्रो र चौंथो दिनमा जोखिममा पर्नु र लोभ लालचमा पर्नु उचित हुनेछैन । पाँचौं दिन शुभ र सफलतादायक रहनेछ । विकासको नयाँ सम्भावना देखापर्ला । सुख शान्ति बढ्नेछ । यात्रा होला । आँट–पराक्रम बढ्नेछ । उन्नति–पदोन्नति हुनेछ । उच्चाधिकारीको सहयोग मिल्नेछ । इष्टमित्रको सहगोग प्राप्त होला । छैठौं र सातौं दिनतिर देखापरेको समस्याको समाधान मिल्नेछ । भागदौड लागिरहला तर प्रयास र परिश्रमको मिठो फल अवश्यै मिल्नेछ । मान महत्व बढ्नुसंगै ख्याति फैलिनेछ । आयस्रोत बढ्ला । लगानी उठ्नेछ । मित्रमिलन हुनेछ । प्रेममा सफलता मिल्ला । सुख शान्ति मिल्नेछ । आर्थिक र रचनात्मक कार्य पनि बन्नेछ ।

कुम्भ राशि – साताको आरम्भिक दिनमा सफलता मिल्नेछ । शुभ र भाग्यवर्द्धक काम बन्नेछ । दोस्रो र तेस्रो दिनमा बोली र व्यक्तित्वको प्रभाव बलियो बन्ला । वार्तामा सफलता मिल्नेछ । आर्थिक पक्ष बलियो बन्नेछ । सभा समारोहमा मान पुरस्कार प्राप्त होला । चौंथो र पाँचौं दिनमा यात्रामा सफलता मिल्नेछ । धन यश ऊर्जा उत्साह बढ्ला । लेखन प्रकाशनसित सम्बन्धित काम साहसिक काम आदि क्षेत्रमा सफलता मिल्नेछ । ऐश्वर्य बढ्ला । साथीभाइको साथ मिल्नेछ । आयस्रोत बढ्ला । सम्पति बढ्नेछ । लगानी उठ्नेछ । आर्थिक पक्ष बलियो बन्नेछ । कार्यमा सफलता त मिल्ला तर बढी प्रयास र परिश्रम गर्नुपर्नेछ । सुख आनन्द ऐश्वर्य वृद्धि होला । आरोग्यता बढ्ला । छैठौं र सातौं दिनमा खर्च र विलास बढ्नेछ ।

मीन राशि – साताको सुरुको दिन शुभ फलदायक रहला । आयस्रोत बढ्ला । दोस्रो र तेस्रो दिनमा धन मान बढ्ला । हांसविलासमा आकर्षण बढ्नेछ । आशा–उत्साह बढ्नेछ । चौंथो र पाचौं दिनहरू अत्यन्तै शुभ र भाग्यवर्द्धक रहनेछन् । मान यश सुख समृद्धि बढ्नेछ । यश बर्चश्व बढ्ला । उन्नति–पदोन्नति हुनेछ । आर्थिक वार्तामा सफलता मिल्ला । सभा–समारोहमा मान पुरस्कार मिल्नेछ । विकासको नयाँ सम्भावना देखापर्ला । आशा उत्साह बढ्नेछ । कार्यव्यपारमा सफलता मिल्नुसंगै सुख ऐश्वर्य पनि वृद्धि होला । राजकीय क्षेत्रसित सम्बन्धित काम बन्नेछ । उच्चाधिकारीहरुको सहयोग समर्थन मिल्नेछ । छैठौं र सातौं दिनमा अन्नधन बढ्नेछ । सुख समृद्धि बढ्ला ।