मध्यपुरथिमि नगरपालिकाले तेह्रौँ दक्षिण एसियाली खेलकुद (साग)मा करातेमा दुई स्वर्ण विजेता मन्डेकाजी श्रेष्ठलाई नगद रु. पाँच लाख ५५ हजार ५५५ पुरस्कारसहित सम्मान गरेको छ ।
विजेता मन्डेकाजी श्रेष्ठ मध्यपुरथिमि नगरपालिका–४ बालकुमारी निवासी हुन् । भव्य नगरपरिक्रमापछि सम्मान गर्दै नगर प्रमुख मदनसुन्दर श्रेष्ठले मन्देकाजीले नेपाली खेलकुदको इतिहासमा २० वर्षपछि सागमा देशलाई दुई स्वर्ण पदक दिलाएर मध्यपुरथिमिसँगै देशको नाम अन्तर्राष्ट्रिय जगतमा उचाइमा पुऱ्याएको बताए ।
सो अवसरमा सम्मातित मन्डेकाजीले मध्यपुरथिमिमा खेललाई अगाडि बढाउन आफूले प्रशिक्षण सञ्चालन गर्ने घोषणा गरे ।
कार्यक्रममा नगरपालिकाका उपप्रमुख अञ्जनादेवी मधिकर्मी, मन्डेकाजीका प्रशिक्षकद्वय गंगाराम महर्जन, सजन श्रेष्ठ, मन्डेकाजीका पिता बाबुकाजी श्रेष्ठलगायतले मन्डेकाजीले खेल जगतमा पु¥याएको योगदानको चर्चा गरे । कार्यक्रममा स्थानीय बालप्रेमी माध्यमिक विद्यालयले पनि सम्मान गरेको थियो ।
प्रतिक्रिया