निर्वाचन आयोगले राष्ट्रियसभा सदस्यको निर्वाचनमा भाग लिने ११ राजनीतिक दललाई निर्वाचन चिह्न प्रदान गरेको छ । आगामी माघ ९ गते हुन लागेको निर्वाचन मा सहभागी हुने दलहरुका लागि चिह्न प्रदान गरिएका् हो ।

आयोगका अनुसार नेपाल कम्युनिष्ट पार्टी (नेकपा)लाई सूर्य, नेपाली कांग्रेसलाई रुख, समाजवादी पार्टीलाई पाँच औँलासहितको हत्केला, राष्ट्रिय जनता पार्टीलाई नेपाल ढल्केको छाता र राष्ट्रिय प्रजातन्त्र पार्टीलाई गाई चुनाव चिह्न प्रदान गरिएको छ ।

यसैगरी, राष्ट्रिय प्रजातन्त्र पार्टी (संयुक्त)ले हलो, राष्ट्रिय जनमोर्चाले गिलास, नेपाल मजदुर किसान पार्टीले मादल, नेपाल सङ्घीय समाजवादी पार्टीले बस, नेपाली जनता दलले गोरुगाडा चक्का (पाङ्ग्रो) र इतिहासिक प्रजातान्त्रिक जनता पार्टीले ट्र्याक्टर निर्वाचन चिह्नदप्राप्त गरेका छन् ।

उक्त निर्वाचनको सन्दर्भमा आयोगले सात जना जिल्ला न्यायाधीशलाई निर्वाचन अधिकृृत र दुई जना न्यायाधीशलाई जगेडा निर्वाचन अधिकृत तोकेको छ । आयोगका अनुसार मोरङका मेदिनीप्रसाद पौडेल, धनुषाका राजकुमार खतिवडा, ललितपुरका मोहनबहादुर कार्की, कास्कीका काजीबहादुर राई, दाङका रितेन्द्र थापा, सुर्खेतका राजेन्द्रकुमार आचार्य र डोटीका विदुर काफ्ले निर्वाचन अधिकृत तोकिएका छन् । न्याय परिषद्को परामर्श लिएर जगेडा निर्वाचन अधिकृतको रुपमा कैलाशप्रसाद सुवेदी र दिवाकर भट्टलाई तोकिएको पनि आयोगले जानकारी