नेपाल सितोरियो कराते संघको वार्षिक कार्यक्रमअनुसार शाखा डोजो नक्सालको २१औँ वार्षिकोत्सवको अवसरमा छैटौं सगरमाथा अन्तर्राष्ट्रिय कराते प्रतियोगिता हुने भएको छ । प्रतियोगिता पुष २७ देखि संचालन हुने आयोजकले जानकारी गराएको छ ।

प्रतियोगितामा आयोजक नेपालसहित भारत, बंगलादेश, पाकिस्तान, श्रीलंका र भुटानकागरि करिव २ हजार पाँचसय खेलाडी, प्रशिक्षक, निर्णायक तथा अफिसियलहरु सहभागिता रहनेछ ।

प्रतियोगितामा पुरुषतर्फको जुनियर तथा क्याडेट ईभेन्टसतर्फ २०, २३, २५, २७, ३०, ३३, ३५, ४० र पुरुष कै सिनियर तर्फ ४५, ५०, ५५, ६०, ६७ , ७५, र ं८४ केजीमा प्रतिस्पर्धा हुनेछ । त्यस्तै एकल काता र टिम कातागरी १८ इभेन्टस्मा प्रतिस्पर्धा हुनेछ ।

महिलातर्फ जुनियर तथा क्याडेट २०, २३, २५, २७, ३०, ३३, ३५, ४० र महिला सिनियरतर्फ ४५, ५०, ५५, ६१, ६७,ं ६८ किलो तौल समुहमा तथा एकल काता र टिम काता सहित १७ ईभेन्टस् गरी कुल ३७ स्वर्ण पदक का निम्ति प्रतिस्पर्धा हुने प्रतियोगिता संयोजक एबम् शाखा डोजो नक्सालका प्रमुख प्रशिक्षक गजेन्द्र बहादुर खपाङ्गी ‘ईश्वर’ले जानकारी गराए ।

दर्जनौं राष्ट्रिय तथा अन्तर्राष्ट्रिय खेलाडीहरु उत्पादन गर्न सफल यस शाखा डोजोले प्रत्येक वर्ष आफ्नो बार्षिक कार्यक्रममा खेल गतिविधि सञ्चालन गर्दै आएको छ ।

यसअघि आफ्नो २० बर्षे यात्रा पुरा गर्दै २० वटा बिभिन्न प्रतियोगिता सम्पन्न गरिसकेको छ । गत बर्ष सञ्चालन भएको पाँचौं सगरमाथा अन्तर्राष्ट्रिय कराते प्रतियोगितामा नेपालको तर्फबाट आयोजक टिम नक्साल डोजो ६ स्वर्ण ७ रजत र ५ कास्य पदक सहित टिम प्रथम भएको थियो ।

नक्साल डोजो प्रत्येक वर्ष अन्तर्राष्ट्रिय प्रतियोगिताको आयोजना गर्दै आएकोमा यो २१औँ अन्तर्राष्ट्रिय प्रतियोगिता हो । प्रतियोगिता नक्साल नारायणचौरस्थित स्टार भेन्यूमा दुई दिनसम्म संचालन हुनेछ ।