मंगलबारदेखि अस्ट्रेलियाको पूर्वी भागमा आएको भीषण आँधीबेहरीका कारण करिब ३० हजार घरमा विद्युत लाइन अवरुद्ध भएको छ । मंगलबार बेलुका राजधानी क्यानबेरातर्फ फैलिएको सो आँधी पूर्वतिर अघि बढ्दै बेलुका साउथ न्यु साउथ वेल्स, क्विन्सल्याण्ड र भिक्टोरियासम्म पुगेको थियो ।
राज्य आपतकालीन सेवा (एसईएस) का अनुसार सहयोगका लागि सिड्नीको दक्षिणी उपनगरबाट मध्यरातमा आठ सयभन्दा बढी टेलिफोन कल आएका थिए । मुख्यतया यी फोनहरू भाँचिएका रूखका डरले आएको एसईएसका निर्देशक पल बेलीले बताए । रूखले सडकमा गुडिरहेका कैयौँ मानिसका कारलाई थिचेको थियो ।
केही भागहरूमा प्रतिघन्टा सय किलोमिटरका हिसाबले आँधीबेहरी आएको बताइएको छ । सिड्नीको पश्चिममा रहेको ब्रिन्जेली सपिङ सेन्टरको छानाका केही भागहरू हावाले उडाएको स्थानीय सञ्चारमाध्यमले जनाएको छ ।
रासस–सिन्ह्वा
प्रतिक्रिया