डा. पानी वाटर डेलिभरी एपले मोबाइल एपको माध्यमबाट नेपालमा पहिलो पटक पानी अर्डर गर्न मिल्ने सेवाको शुरुवात गरेको छ । आज (५ साउन) देखि शुरु गरिएको यो सेवा पहिलो चरणमा नयाँ बानेश्वर, पूरानो बानेश्वर, ज्ञानेश्वर, गौशाला, माइतीघर, शंखमूल, सिनामंगल, मैतिदेवी, तिलगंगा, गैरिगाउँ, कोटेश्वर, डिल्लीबजार, अनामनगर, बिजुलीबजार, पेप्सीकोला, काँडाघारी र मूलपानीका सेवाग्राहीहरुलाई उपलब्ध हुने जानकारी दिइएको छ ।
क्रमशः काठमाडौं उपत्यकाका सबै स्थानमा सेवा प्रदान भएपश्चात देशभरमा सेवा विस्तार गर्ने लक्ष्य राखिएको डा. पानीका म्यानेजिङ डाइरेक्टर सुजित श्रेष्ठले जानकारी दिए ।
बताइएअनुसार नेपालमा भएका खानेपानी प्रदान गर्ने प्रणालीहरुबारे अध्ययन गर्दा खानेपानीको गुणस्तर, खानेपानीको जारहरु भण्डारण स्थिति, ढुवानी तथा डेलिभरीमा सेवाग्राहीहरुको चासो रहेको र पानी ल्याइने जारको गुणस्तर कम हुँदा निराशा बढेको पाइयो । यही समस्यालाई समाधान गर्न डा. पानी एपले नेपाल सरकारद्वारा निर्धारण गरिएको मापदण्ड पालना गर्दै पूर्णतः ल्याब टेष्ट गरिएको खानेपानी वितरण गर्ने सेवाको शुरुवात गरेको हो ।
डा. पानीबाट डेलिभर गरिने जारहरु हाजिनिकल्ली ह्यान्डल गरिनुका साथै फ्याक्ट्रीबाट घरमै जार पुऱ्याइन्छ, जसले गर्दा घामको किरणमा पानी धेरै समयसम्म रहन पाउँदैन र नावश्यक संक्रमणबाट पनि सुरक्षित हुन्छ । डेलिभर गर्ने कामदारहरुले पनि मास्क, पञ्जा र हेयर कभर लगाएर पानीको जारलाई संक्रमण हुनबाट बचाउन मद्दत पुऱ्याउँछन् ।
सेवाग्राहीको अगाडि जारलाई यूभी लाइट र सेनिटाइजर स्प्रे गरेर मात्र डेलिभर गरिने भएकाले सफा तथा संक्रमण रहित खानेपानी जार घरदैलोमा पुऱ्याउनेमा डा. पानी विश्वस्त रहेको छ ।
प्रतिक्रिया