पार्टी सभापति शेरबहादुर देउवासँग गुप्त रुपले साँठगाँठ मिलाइरहेको चर्चाले व्यापकता पाएपछि नेपाली कांग्रेसका महामन्त्री डा. शशाङ्क कोइरालाले मुख खोलेका छन् ।
पार्टीको महाधिवेशन नजिकिएसँगै सभापति देउवा र आफूबीच तारे होटेलमा गोप्य भेटघाट भएको भन्ने समाचारको महामन्त्री कोइरालाले खण्डन गरेका हुन् ।
बिपी कोइराला लोकतन्त्र संवर्द्धन केन्द्रले आयोजना गरेको कार्यक्रममा महामन्त्री डा. कोइरालाले आफू एक महिनादेखि घरबाहिर ननिस्केको दाबी गर्दै भ्रमपूर्ण समाचारहरु सम्प्रेषण भएकाले त्यस्ता तथ्यहीन समाचारका भ्रममा नपर्न आग्रह गरे । कार्यक्रममा उनले पार्टीको आगामी १४औँ महाधिवेशनमा नेतृत्व परिवर्तन सँगसँगै विचार र सिद्धान्तमा समेत घनीभूत छलफल हुनुपर्ने धारणा पनि राखे ।
महामन्त्री कोइरालाले कोभिड–१९का कारण केही महिना सारेर भए पनि यथासक्दो समयमा महाधिवेशन गर्नाको विकल्प नभएको जिकिर गरे ।
प्रतिक्रिया