टर्कीमा सन् २०१६ प्रयास गरिएको असफल सैनिक ‘कू’मा आवद्व रहेको आशंका गरिएका कम्तीमा ७६ जना व्यक्तिलाई पक्राउ गरिएको छ । देशभर गरिएको सुरक्षा कारबाहीको क्रममा ती व्यक्तिहरु पक्राउ परेका हुन् ।

टर्कीको पश्चिमी प्रान्तमा इज्मिरका अभियोक्ताको आदेशको आधारमा आतङ्कविरुद्ध र गुप्तचर निकायका अधिकारीहरुको सहयोगमा ६६ जना पक्राउ परेका राज्यद्वारा सञ्चालित सञ्चारमाध्यम आनाडोलुले जानकारी दिएको छ ।

प्रहरीले केही रकम, नक्कली कागजात र डिजिटल सामग्री पनि बरामद गरेको आनाडालुले प्रशारण गरेको समाचारमा बताइएको छ । बताइएअनुसार मध्य प्रान्त एस्किसेरमा गरेको छुट्टै अनुसन्धानमा सेनामा घुसपैठ गरेको आरोपमा अन्य १० जना संदिग्ध व्यक्तिहरुलाई पक्राउ गरिएको छ ।

सन् २०१६ को जुलाईमा भएको असफल सैनिक कूको अमेरिकामा शरणमा बस्दै आएका टर्कीज धर्मगुरु फेतेउल्लाह गुलेनलाई टर्की सरकारले दोषारोपाण गर्दै आएको छ ।