^{■ राजन घिमिरे}

बाबा ऐजुकेसन कन्सल्टेन्सीले उच्च शिक्षा अध्ययन गर्न अष्ट्रेलिया जान चाहने नेपाली विद्यार्थीहरूको विश्वास मात्र जितेको छैन, प्रवासमा नेपाली समाजसँग आवद्ध भएर विभिन्न विधा वा क्षेत्रमा आफ्नो उपस्थिति पनि दर्शाउँदै आएको छ ।

शिक्षासँगै मनोरन्जन र नेपाली कला, साहित्य, संगीत तथा चलचित्र विधालाई अष्ट्रेलियामा विस्तार गर्न बाबा एजुकेशन र आरकेएस अष्ट्रेलियाले आफ्नो ब्यानरमार्फत लामो समयदेखि पु¥याउँदै आएको योगदानको चौतर्फी प्रशंसा हुने गरेको छ । यसैबीच बाबा ऐजुकेसन कन्सल्टेन्सी र आरके अष्ट्रेलियाको सहभागितामा गायक समिर आचार्यको म्यूजिक भिडियो हतारमा मंगलबारदेखि बजारमा आएको छ ।

चलेका अभिनेता आर्यन सिग्देल र अभिनेत्री वर्षा राउतको जोडी रहेको यो भिडियोलाई शान थापाले निर्देशन गरेका हुन् । सिनेमाको पर्दामा यो जोडीलाई देख्न नपाएका दर्शकहरूलाई यो भिडियोले केही मात्रामा भए पनि राहत प्रदान गर्ने देखिन्छ । गायक समिर आचार्यले दुइवटा एल्बम र दुई दर्जन गीत बजारमा ल्याई सकेका छन् । विशेष गरेर फास्ट बिटका गीत–संगीतमार्फत श्रोताहरू माझ स्थापित भएका समिरको यो नयाँ एल्बमले पनि बजार तताउने देखिन्छ । ‘गायक समिरको क्रेज र उनको यो गीतको वजन बुझेर नै हामीले सहभागिता जनाएका हौँ’– बाबा ऐजुकेसन कन्सल्टेन्सी र आरकेएस अष्ट्रेलियाका सिइओ रवीन्द्रकुमार शर्माले भने ।

गायक समिर आचार्यलाई विशेष गरेर ‘दुनियाँ बेग्लै छ…’ र ‘पिच रोड…’ बोलको गीतले नेपाली सांगीतिक क्षेत्रमा चर्चामा ल्याएको थियो ।