थाइल्याण्डमा सम्पन्न थाइल्याण्ड बाई युटिएमबी अल्ट्रा ट्रेल रनिङ प्रतियोगितामा नेपाली खेलाडी सुनमाया बुढा महिलातर्फ प्रथम स्थान हासिल गरेकी छन् । त्यस्तै, पुरुष र महिलातर्फ समग्रमा सुनमायाले तेस्रो स्थान हासिल गरिन् ।

थाइल्याण्डको च्याङमाइमा सम्पन्न उक्त प्रतियोगिता एशियाली क्षेत्रकै सबैभन्दा ठूलो ट्रेल रेस प्रतियोगिता हो । सुनमायाले महिलातर्फ ११० किलोमिटर लामो ट्रेल रेसमा प्रथम स्थान हासिल गरेकी थिइन् । उनले उक्त दूरी नेपालकी चर्चित अल्ट्रा म्याराथन धाविका मिरा राई भन्दा दुई घण्टाअघि पूरा गरिन् ।

सुनमायाले ११० किलोमिटरको दूरी १४ घण्टा ५४ मिनेट एक सेकण्डमा पूरा गर्दा मिराले १७ घण्टा १२ मिनट ४८ सेकेण्डको समय लगाएकी थिइन् । महिलातर्फ नेपालकी मिरा राई दोश्रो र थाइल्याण्डकी फिचामोन राक्साकुल तेश्रो स्थानमा रहे ।

प्रतियोगितामा विश्वभरिका २ हजार भनदा बढी धावकहरुको सहभागिता रहेको थियो । सुनमायालाई उनलाई ट्रेल रनिङ प्रतियोगितामा हङकङमा रहेको नर्थ फेस एडभेन्चर टिमले सहयोग गरेको थियो ।