१० देखि १२ वर्ष कैद सजाय हुन सक्ने

जबर्जस्ती करणीसम्बन्धी कसूरमा अभिनेता पल शाहविरुद्ध किशोरी उमेरकी गायिकाले किटानी जाहेरी गर्दा गराएकी छन् । पीडित किशोरीले शाहविरुद्ध जिल्ला प्रहरी कार्यालय तनहुँमा किटानी जाहेरी दिएकी हुन् ।

यसअघि जिल्ला प्रहरी कार्यालय कास्कीमा शाहविरुद्ध जाहेरी दिइएको थियो । तर, प्रहरीले घटनास्थल तनहुँ भएकाले तनहुँमै दर्ता गर्न सुझाव दिएको थियो । त्यसपछि उनले तनहुँ प्रहरीमा उजुरी दिएको बताइएको छ ।

एउटा म्यूजिक भिडियोको सुटिङका क्रममा तनहुँ गएका बेला शाहले फकाएर आफूमाथि करणी गरेको पीडित किशोरीले उजुरीमा उल्लेख गरेकी छन् । शाहले आफूमाथि फकाएर करणी गरेको १७ वर्षीया किशोरीले दाबी गर्दै आएकी छन् ।

ज्ञमतव्य छ, मुलुकी अपराध संहिता २०७४ अनुसार सहमतिमै सम्बन्ध राखेको भए पनि अठार वर्षभन्दा कम उमेरको बिहोरीलाई करणी गरेमा निजले त्यस्तो महिलालाई जबर्जस्ती करणी गरेको मानिने उल्लेख छ । १६ देखि १८ वर्षसम्म उमेरकी महिला भए १० देखि १२ वर्ष कैद सजायको व्यवस्था छ ।