टेलिभिजन टावरमा रकेट हमला, पाँच जनाको मृत्यु
युक्रेनमा रुसी हमलाको सातौँ दिन युक्रेनको दक्षिणी शहर खेरसन रुसी सेनाको हातमा पुगेको छ । औषधी र खानेकुरालगायत खाद्यान्नको आपूर्ति सुनिश्चितताका लागि राष्ट्रिय सरकारलाई सहयोग गर्न सो शहरका मेयरले आह्वान गरेका छन् ।
रुसी सेनाको हमलामा २०० जनाको मृत्यु भएको स्थानीय परिषद्का एक सदस्यले जानाकारी दिएका छन् । मारिनेमध्ये अधिकांश सर्वसाधारण रहेको जनाइएको छ ।
उत्तरपश्चिमी युक्रेनी शहर जाइटोमायरमा आपतकालीन कर्मचारीहरुले रुसी सेनाको मिसाइल हमलामा आवसीय भवनमा लागेको आगो निभाइरहेका छन् । सो शहरमा चार जना मारिएको रुसी अधिकारीहरुले जनाएका छन् ।
रुसी सशस्त्र गाडी र सेनाले सडकमा गस्ती गरिरहेको स्थानीय सीसीटीभी भिडियोमा देख्न सकिन्छ । किभको उत्तरपश्चिबाट १५ माइल टाढादेखि रुसी बख्तरबन्दको लामले राजधानी किभ घुमिरहेको छ भने देशको सबैभन्दा ठूलो टेलिभिजन टावरमा भएको रकेट हमलामा पाँच जनाको मृत्यु भएको छ । खारकिभमा रुसी सेनाले तोप हमलालाई तीव्र पारेका छन् ।
राष्ट्रपति भोलोदिमिर जेलेन्स्कीले देशको दोस्रो ठूलो शहरको मुख्य चोकमा मंगलबार भएको रकेट हमलालाई ‘खुलस्त आतंक’ भनेका छन् । ‘कसैले पनि क्षमा दिँदैन । खरकिभमा गरिएको हमला युद्धअपराध हो,’ उनले भनेका छन् । खरकिभमा भएका हमलामा कम्तिमा ११ जनाको मृत्यु र दर्जनौँ घाइते भएको अधिकारीहरुले जनाएका छन् ।
प्रतिक्रिया