नेकपा (माओवादी केन्द्र)का प्रवक्ता कृष्णबहादुर महराका स्वकीय सचिव प्रमोद शर्माले माओवादी केन्द्र परित्यागको घोषणा गरेका छन् ।
माओवादी केन्द्र घोराही उपमहानगरपालिका कमिटी अध्यक्षसमेत रहेका शर्माले माओवादी पार्टी परित्याग गरेको घोषणा मंगलबार बिहान सामाजिक सञ्जाल फेसबुकमार्फत गरेका हुन् ।
‘आजको मितिदेखि म नेकपा माओवादी केन्द्रको साधारण सदस्यसमेत नरहने गरी आफूले प्राप्त गरेको सम्पूर्ण जिम्मेवारीबाट राजीनामा दिएको घोषणा गर्दछु,’ उनले लेखेका छन् ।
सोमबार गरिएको दाङ जिल्लाको जिम्मेवारी बाँडफाँडमा असन्तुष्टि जनाउँदै उनले पार्टी परित्याग गरेको ठानिएको छ । बताइएअनुसार शर्मा दाङ जिल्ला कमिटीको सचिवका आकांक्षी थिए, तर उनलाई सो जिम्मेवारी नदिइ अर्कैलाई सचिव बनाइएपछि उनले पार्टी नै छोड्ने कठोर निर्णय लिएका हुन् ।
प्रतिक्रिया