लामो समयदेखि सञ्चारकर्ममा आवद्ध रहँदै आएका हरिशरण लामिछानेले संघीय संसदको निर्वाचनमा उम्मेदवार हुने घोषणा गरेका छन् । उनले आफ्नो उम्मेदवारीका बारेमा औपचारिक घोषणा केही समयमै गर्ने जनाएका छन् ।
‘तीन दशक भन्दा लामो संचारकर्मको परिस्कृत अनुभवबाट मेरो अन्तःस्करणले मलाई सिंहदरबारबाट बाहिरिएर देश र जनताको सेवामा फरक भूमिकामा पेश हुन थप प्रेरित गरेको छ,’ सञ्चारकर्मी लामिछानेले भनेका छन्, ‘परिवर्तन सम्भव छ भन्ने मान्यतासहित आगामी संसदीय निर्वचनमा प्रतिस्पर्धा गर्ने तयारीमा छु, सबैको साथ र समर्थनमा यो अभियानमा होमिने छु ।’
विस्तृत कार्ययोजना र उम्मेदवारीको औचित्यबारे समयक्रममा औपचारिक घोषणा हुने उनले स्पष्ट गरेका छन् ।
भक्तपुर नगरकोटका स्थायी बासिन्दा लामिछाने निर्वाचन क्षेत्र भने घोषणा गरिसकेका छैनन् ।
प्रतिक्रिया