रसिया युक्रेन युद्धलाई कारण देखाउँदै नेपाल आयल निगमले पेट्रोलियम पदार्थको मूल्य भारी मात्रामा वृद्धि गरेको छ ।

निगम सञ्चालक समितिको आइतबार बसेको बैठकले पेट्रोलमा प्रतिलिटर २१ र डिजेल तथा मट्टितेलमा २७ रुपैयाँ वृद्धि गर्ने निर्णय गरेको छ ।

गएराति १२ बजेदेखि लागू भएको नयाँ मूल्यअनुसार अब प्रतिलिटर पेट्रोल १९९ र डिजेल तथा मट्टितेललाई १९२ रुपैयाँ तिर्नुपर्नेछ ।

यस्तै, खाना पकाउने एलपी ग्यासको भाउ यथावत रहेको र निगमलाई अझै मासिक रुपमा ४ अर्ब ७० करोड घाटा रहेको निगमले जनाएको छ ।